नेपाली काँग्रेस कार्यालय उदघाटन
पहुरा समाचारदाता
मसुरिया, २९ फागुन । नेपाली काँग्रेस गौरीगंगा नगरपालिका वडा न.२ के पार्टी कार्यालय एक समारोहके विच उदघाटन हुइल बा ।
गौरीगंगा नगरपालिकाके वडा न.२ धबैस्थित पार्टी कार्यालयके नेपाली काँग्रेस सुदूरपश्चिम प्रदेश सदस्य सुरत रावत(डोटेली कान्छा) एक समारोहके बीच उदघाटन करल हुइट ।
नेपाली काँग्रेस गौरीगंगा नगरपालिका वडा न.२ के सभापति किरन मल्लके सभापतित्वमे हुइल कार्यक्रममे नेपाली काँग्रेस सुदूरपश्चिम प्रदेश सदस्य सुरत रावत (डोटेली कान्छा) वडका पहुना रहिट । उदघाटन कार्यक्रममे उहाँ पार्टी संगठनहे चुस्त दुरुस्त राख्नाके साथे पार्टीके टोल समितिसे सक्कुहुनहे एक ढिक्का बनैना लागे पर्ना बटैलै । पार्टीके आन्तरिक चुनावके टिकटता अन्त्य करटी निर्वाचनके तयारीमे जुटन आग्रह करलै । स्थानीय तहके निर्वाचनके लाग उम्मेदवार बन्ना अपेक्षा रहल व्यक्तित्व टिकटके टुंगो लागलपाछे सक्कु एक ढिक्का हुके लागे पर्ना बटैलै ।
ओस्टेक नेपाली काँग्रेस गौरीगंगा नगर सभापति पहल विक्रम चन्द, जिल्ला सल्लाहकार यज्ञनिधि कोइराला, हरिश चन्द लगायत शुभकामना मन्तव्य व्यक्त करले रहिट ।
कार्यालय उदघाटन कार्यक्रममे नेपाली काँग्रेस कैलाली क्षेत्र न.४ के निवर्तमान सभापति दिनेशराज जोशी, जिल्ला सदस्य द्वय प्रेमराज ओझा, गोहनी राना, नेपाली काँग्रेस क्षेत्र ४ क के सभापति काशीराम शर्मा, जिल्ला सल्लाहकार सदस्य फणी सापकोटा, नेपाली काँग्रेस गौरीगंगा नगर सचिव हेमन्तराज जोशी लगायत दर्जनौं नेता कार्यकर्ताके उपस्थिति रहल रहे ।
