सिर्जना बस्तीके १५ औं वार्षिकोत्सव

पहुरा समाचारदाता
पहलमानपुर, ३० फागुन । कैलालीके घोडाघोडी नगरपालिका–१० सिर्जना मुक्तकमैया बस्ती अम्खोहियाके १५ औं बार्षिकोत्सव कार्यक्रम हुइल बा ।

२०५७ सालमे बैठल उ बस्ती सोम्मारके रोज एक कार्यक्रमके विच वार्षिकोत्सव कार्यक्रम करल हो । घोडाघोडी नगरपालिकाके उप प्रमुख प्रेमकुमारी थापाके वडका पहुनामे हुइल कार्यक्रममे यी बस्ती लाग लालपुर्जा बनल मने वितरण कैना बाँकी रहल बटैली । उहाँ कहली, उप्परसे निर्देशन अइटीकी लालपुर्जा वितरण सुरु करजाई । लैङिक हिंसाके कारण महिलापाछे परलफे उपप्रमुख थापा बटैली । कार्यक्रमके विशिष्ट पहुना वडा सदस्य रामप्रसाद भण्डारी सेवासे बन्चित रहल मुक्तकमैयाहुकन आर्यआर्जनसे जोरेपर्नामे बटैले रहिट ।

बस्तीके अध्यक्ष तथा भल्मन्सा राजकुमारी चौधरीके अध्यक्षतामे हुइल कार्यक्रममे समाजसेवी रिता चौधरी, करुणा वम, लक्ष्मण शाही, बस्तीके सदस्य रामपति चौधरी, सुमन चौधरी लगायत मन्तव्य व्यक्त करले रहिट । बार्षिकोत्सवमे कार्यक्रममे थारु लोकगायक मनिराम चौधरी, गायिका रिता चौधरी मनोरन्जन प्रदान करल रहिट । संचारकर्मी जीवन चौधरी संचालन करले रहिट कलेसे स्वागत मन्तव्य बस्तीके सलिनादेवी चौधरी करले रही ।