सुदूरपश्चिममे कोरोना संक्रमणदर शुन्यमे झरल, सक्रिय संक्रमितभर ४३

पहुरा समाचारदाता
धनगढी, ६ चैत । सुदूरपश्चिम प्रदेशमे कोरोना भाइरसके संक्रमणदर शुन्यमे झरल बा ।

सुदूरपश्चिम प्रदेश सामाजिक विकास मन्त्रालय स्वास्थ्य निर्देशनालयसे डेहल जानकारी अनुसार पछिल्का २४ घण्टामे ३ सय ९७ जानेक कोरोना परिक्षण करेबेर केकरोफे संक्रमण नइडेखल हो ।

एन्टीजेन विधिसे ३ सय ९३ जानेक ओ आरटी पीसिआर विधिसे ४ जानेक कोरोना परिक्षण करल निर्देशनालय जनैले बा । पछिल्का २४ घण्टामे सुदूरपश्चिम प्रदेशमे संक्रमण शुन्य डेखलेसेफे सक्रिय संक्रमितके संख्यभर अभिन ४३ जाने रहल बटै । आरटी पीसिआरके १४ जाने ओ एन्टीजेनके २९ जाने रहल बटै ।

सबसे ढेर कैलालीमे ३१ जाने रहल बटै । ओस्टेक कञ्चनपुरमे ९ जाने, बैतडी, बझाङ, दार्चुलामे एक÷एक जाने रहल बटै । सुदूरपश्चिम प्रदेशमे ६ सय ३३ जाने कोरोना संक्रमणसे ज्यान जासेकल बा ।