व्यापारिक कम्प्लेक्स शिलान्यास

पहुरा समाचारदाता
मसुरिया, ६ चैत । कैलालीके गौरीगङ्गा नगरपालिका वडा नम्बर–९ मसुरियामे व्यापारिक कम्प्लेक्स निर्माण सुरु हुइल बा ।

कम्प्लेक्सके वडा नं ९ के अध्यक्ष हरिप्रसाद तिवारी शिलान्यास करले बटै । गौरीगंगा नगरपालिकाके व्यापारिक केन्द्रके रुपमे विकास हुइटी गैल मसुरिया बजारमे यी भवनके निर्माणसे व्यावसायिक गतिविधिमे सहयोग पुग्न विश्वास लेहल वडा अध्यक्ष तिवारी बटैलै ।

गौरीगंगा नगरपालिकाके तीस लाख रुप्याके लागतमे निर्माण हुइना पाँच कोठा भवनके कडेल सुपर कन्स्ट्रक्सन कम्पनी बनैना बा । भवनके साथे वडा कार्यालय घेरबार पर्खाल निर्माण सम्झौता हुइल कम्पनीके प्रमुख उमेश कडेल जानकारी डेलै ।

भवन जेठ मसान्तभिटर निर्माण सम्पन्न करके हस्तान्तरण हुई ।