न्यायिक समितिसे पाँच बरसमे ६४७ जनहन कानूनी पराशर्म
पहुरा समाचारदाता
धनगढी, ७ चैत । धनगढी उपमहानगरपालिका न्यायिक समिति गठन हुइल (२०७४/२०७५ से २०७८ सम्म पाँच बरसमे ६ सय ४७ जनहनहे कानूनी परामर्श डेहल जनैले बा ।
न्यायमे पहुँच अभिबृद्धि करेक लाग सरोकारवाला तथा संचारकर्मीनसंग करल अन्तरक्रियामे धनगढी उपमहानगरपालिकाके सूचना अधिकारी सुरेन्द्र कार्की न्यायिक समितिके प्रगतीबारे जानकारी डेटी ६ सय ४७ जनहनहे कानूनी परामर्श डेहल जनैलै ।
उहाँ समितिमे १३१ ठो मुद्दा दर्ता, ६५ ठो मेलमिलाप, १ ठो फैसाला हुइल, २६ ठो सम्बन्धित निकाय अदालत जैना जानकारी डेहल, ३ ठो अदालत जैना जानकारी डेहल (सम्बन्ध विच्छेद), १ ठो दरपिठ, ३ ठो फिर्ता लेहल, १ ठो कागज अडामे समेल करल ओ १२ ठो तामेलीमे रहल मुद्दा परल सूचना अधिकारी कार्की जनैलै ।
न्यायिक समितिके संयोजक सुशिला मिश्रभट्ट भर ६ सय ४७ जनहनहे कानूनी परामर्श डेहल लिखित रहल मने अलिखित रुपमे दैनिक पाँचसे ढेर जनहन पराशर्म डेहल बटैली । उहाँ कहली, धनगढी उपमहानगरपालिकाके न्यायिक समिति प्रादेशिक न्यायिक समिति जैसिन हुइल बा ।
प्रदेश भरिक ८८ स्थानीय पालिकाके स्थानीय यहाँ बसोबास करठै । ओइनहे कुछ समय अइलेसे महीहे पराशर्म लेठै ।’ उपमहानगरपालिका ९९ जाने मेलमिलापकर्ता उत्पादन करल उहाँ जनैली ।
कार्यक्रममे मालपोट कार्यालयके प्रमुख सुरेन्द्र केसी, नापी कार्यालयके प्रमुख सुर्दशनसिंह धामी, बार कैलालीके अध्यक्ष सिद्धराज ओझा लगायत अपन बाट राखल रहिट ।
