मुख्यमन्त्री भलिबल प्रतियोगिता: दोसर खेलमे गण्डकी प्रदेश विजयी
पहुरा समाचारदाता
धनगढी, ८ चैत । सुदूरपश्चिम प्रदेश खेलकुद परिषद्के आयोजनामे हुइटिरहल दोसर मुख्यमन्त्री कप राष्ट्रिय पुरुष भलिबल प्रतियोगिताके दोसर दिनके खेलमे विभागिय टोली सशस्त्र प्रहरी क्लबहे पराजित करटि गण्डकी प्रदेश विजयी हुइल बा ।
कैलालीके धनगढीस्थित रंगशालाके हलमे हुइल दोसर गण्डकी प्रदेश सशस्त्र प्रहरी क्लबहे ३–० के सोझे सेटमे पराजित करल हो । गण्डकी प्रदेशले सशस्त्रहे २५–०,२५–१८ ओ २५–२३ के सोझे सेटमे हराइल हो । चैत्र १२ गतेसम सञ्चालन हुइना राष्ट्रिय भलिबल प्रतियोगितामे सात ठो प्रदेश ओ तीन ठो विभागीय कैके १० टोलीके सहभागिता रहल बा ।
प्रतियोगिताके विजेता नगद चार लाख, उपविजेता दुई लाख, तेसर टोली एक लाख ओ चौठा स्थान प्राप्त करना टिम ५० हजार नगदसहित ट्रफी ओ मेडल प्राप्त करि ।
प्रतियोगिताके सर्वोत्कृष्ट खेलाडीहे नगद २० हजार तथा उदयमान खेलाडी, उत्कृष्ट लिफ्टर, उत्कृष्ट स्पाइकर, उत्कृष्ट ब्लकर, उत्कृष्ट डिफेन्सर, उत्कृष्ट सर्वर ओ उत्कृष्ट प्रशिक्षकहे जनही १० हजारसहित पुरस्कृत करजाइ । प्रत्येक खेलके म्यान अफ द म्याचहे नगद एक हजार पाँच सय नगदसहित पुरस्कृत करजाइ ।
