शिक्षा, स्वास्थ्य, खाद्य ओ आवास अधिकारबारे छलफल
पहुरा समाचारदाता
कञ्चनपुर, १६, चैत । स्थानीय समुदायहे सचेत परटी जिम्मेवार निकायहे जवाफदेही बनैना कार्यक्रम अन्तरगत पुनर्वास नगरपालिकाके शिक्षा, स्वास्थ्य, खाद्य ओ आवास अधिकार सम्बन्धी सेवा प्रवाहके अवस्था विषयक अन्तरक्रिया कार्यक्रम कैगिल बा ।
अनौपचारिक क्षेत्र सेवा केन्द्र (इन्सेक) सुदूपश्चिम प्रदेश कार्यालय धनगढी बुधके रोज मानवअधिकार समूहसे पुनर्वास नगरपालिका क्षेत्रमे पहिचान करल शिक्षा, स्वास्थ्य, खाद्य तथा आवास अधिकारसंग सरोकार रख्ने मुख्य–मुख्य सवाल तथा समस्याबारे छलफल हुइल इन्सेक सहजकर्ता कैलाश पनेरु बटैलै ।
पुनर्वास नगरपालिकाके सामुदायिक विद्यालयके आधारभूत तहमे बालबालिकाके संख्या न्यून रहल ओ माध्यामिक तहमे बालबालिकाके संख्या अधिक रहल पुनर्वास नगरपालिकाके शिक्षा शाखा प्रमुख शिवराज भट्ट बटैलै ।
उहाँ कहलै, ‘कतिपय मर्जा करे पर्ना विद्यालयहे टमान खाले विवादके कारण मर्ज करे नइसेकल कारण विद्यालयमे बालबालिकाके अनुपातमे शिक्षकहुकनके व्यवस्थापन कैनाफे समस्या बा ।’ अइना शैक्षिक सत्रसे कक्षा ११ ओ १२ के विद्यार्थीहुकनफे निःशुल्क रुपमे पाठ्य पुस्तक उपलब्ध कैना शिक्षा शाखा प्रमुख भट्ट प्रतिबद्धता जाहेर करलै ।
नेपाल सरकारके नीति अनुरुप पुनर्वास नगरपालिकाके प्रत्येक वडामे स्वास्थ्य संस्थाफे स्थापना करके संचालनमे नानल पुनर्वास नगरपालिका–६ के अध्यक्ष मानबहादुर गुरुङ बटैलै । समस्या केल औल्यइनासेफे नगरपालिकासे करल मजा काममे समेत ध्यान डेना मानवअधिकार समुहहे उहाँ आग्रह करलै ।
जीवनज्योति माध्यमिक विद्यालयके प्रधानाध्यापक भरतबहादुर बस्नेत विद्यालयके गेटमे व्यापारीहुक्रे बालबालिकाहुकनहे अखाद्य वस्तु विक्री वितरण करल ओरसे नगरपालिकाके अनुगमन संयन्त्रसे ओसिन व्यापारीहुकनहे विस्थापित कराडेना आग्रह करलै ।
स्थानीय समाजसेवी तथा जीवनज्योति माध्यमिक विद्यालयके विद्यालय व्यवस्थापन समितिके अध्यक्ष विजयराज हमाल नेपाल सरकारसे टमान लक्षित समुदाय तथा उमेर समुहके नागरिकहुकनहे उपलब्ध करैटी आइल सामाजिक सुरक्षा भत्ता मासिक रुपमे उपलब्ध कराई पर्ना माग करलै ।
पुनर्वास नगरपालिका–५ के वडाध्यक्ष वीरबहादुर बोगटी विगत २ वर्षसे जनता आवास कार्यक्रम संचालनमे आई नइसेक्के आर्थिक रुपमे विपन्न नागरिकहुकनहे समस्या हुइटी रहल जानकारी करैटी नगरपालिकामे जनता आवास कार्यक्रम संचालन करे पर्ना विचार रख्लै ।
पुनर्वास नगरपालिकामे यी बर्ष मलखाद वितरण करेक लाग नगरक्षेत्रमे क्रियासिल ११ ठो सहकारीहुक्रे छनौट हुइल पुनर्वास नगरपालिकाके कृषि शाखा प्रमुख ललिता चौधरी बटैली ।
उहाँ कहली प्रदेश सरकारसे पुनर्वास नगरपालिकाके मलखादके कोटा साल्टटे«डिङ कार्यालय धनगढीसे छुट्यइना निर्यण समेत करसेकल ओरसे पुनर्वास क्षेत्रके किसान यी बर्षसे समयमे आवश्यक मात्रामे सुलभ दरमे मलखाल पैना उहाँ विश्वास व्यक्त करली ।
पुनर्वास नगरपालिकाके निमित्त प्रमुख प्रशासकीय अधिकृत धौलराम सार्की नगरकार्यपालिकाके बैठकमे कौनोफे निर्णय करेबेर सर्वसम्मत रुपमे कैना हुइलेसेफे बजार अनुगमनके पाटो फितलो रहल बटैली ।
बालबालिकाहुकनहे अखाद्य वस्तुसे बचाइक लाग व्यापक जनचेतना मुलक कार्यक्रम संचालन करे पर्ना जरुरी रहल उहाँ बटैलै ।
