९५ औं अर्चनाबाबा शिव साधना सुरु
रमेश चौधरी
कञ्चनपुर, २४ चैत । सुदूरपश्चिम प्रदेश कञ्चनपुर जिल्लाके लालझाडी गाउँपालिका वडा नम्बर २ कञ्जमे श्री बैजनाथ अर्चना बाबाधाममे ९५ औं अर्चनाबाबा शिव साधना आजसे सुरु हुईल बा ।
हत्या हिंसा त्यागौं सत्यके मार्ग पहिल्याऔं कना मूल नाराके साथमे १०८ औं श्री अर्चना बाबा शिव साधना मनसे ९५ औं अर्चना बाबा शिव साधना करिब साढे २ वर्ष पाछे यि परमपुजनीय परमात्मा श्री पिण्डेश्वर महादेव अर्धनारीश्वरी सद्गुरुदेव अर्चना बाबा बैद सनातन धर्म रक्षार्थ तथा जगत कल्याण एवं विश्वशान्तिके लाग यि शिव साधना करे लागल हो ।
अर्चना बाबा शिव साधना कार्यक्रममे श्रद्धय आदि जगत गुरु ओम बाबाके मुखार विन्दुसे आत्मा परमात्मा, होम महिमा, भक्ति भजन, जगत जीवन, ध्यान जप, एवं प्रर्वचन हुईना ओ सद्गुरुदेव श्री अर्चना बाबाके दर्शन, अर्शिवाद ओ शिव साधनामे सरिक हुईनाके लाग नेपालके कैलाली, कञ्चनपुर, बाँके, बर्दिया, दाङ, नवलपरासी, चितवन, सुर्खेत र काठमाडौं लगायतके शम्भो भक्तजन, समाजसेवी,बुद्धिजिवीहुक्रे करिब २ हजार ५ सय भन्दा बढी भक्तजनके उपस्थिति हुईना आयोजक जनाले बा ।
कार्यक्रमहे थप भव्य,सभ्य,रमैना ओं जगत जीवन जस्ते अध्यात्मिक ज्ञानके बारेम प्रर्वचन ओ भक्ति भजनसे भक्तजनहुक्रे रमैनो शिव साधना कार्यक्रमके सुरुवातसे लेके कार्यक्रम विर्सजन नैहुईल सम साथ सहयोग करुया राजकुमार शम्भुके रहना आयोजक बटैले बा ।
शिव साधना कार्यक्रम चैत २५ गतेसे लेके २९ गते समके लाग श्री अर्चना बाबा धाम कञ्चनपुर जिल्ला समिति ओ बैजनाथ अर्चना बाबा धामके आयोजनामे हुईटी रहल कञ्चनपुर जिल्लाके अध्यक्ष प्रेम चौधरी जनैलै ।
