युनिक नेपाल लघुवित्त केन्द्र प्रमुखहुकनसे अन्तरक्रिया

पहुरा समाचारदाता
धनगढी, २५ चैत । युनिक नेपाल लघुवित्त वित्तीय संस्था लिमिटेडसे शाखा कार्यालयके केन्द्र प्रमुखहुकनसे अन्तरक्रिया तथा वित्तीय साक्षारता तालिम कैले बा । शुकके रोज युनिक नेपाल लघुवित्त वित्तीय संस्थासे गेटा शाखा कार्यालयके केन्द्र प्रमुखहुकनसे अन्तरक्रिया तथा वित्तीय साक्षारता तालिम कैले बा ।

केन्द्र व्यवस्थापन प्रभावकारी बनैना सहयोग पुगैना, केन्द्र प्रमुख ओ उपप्रमुखके काम कर्तव्य उत्तरदायित्वके बोध कराके नेतृत्व प्रभावकारी बनैना, वित्तीय संस्था ओ सदस्यहुकनवीच सम्बन्ध सुमधुर बनैना, समसामयिक विषयमे केन्द्र प्रमुखहुकनहे प्रशिक्षण कैना, ग्राहक सन्तुष्टी सर्वेक्षण कैना, सुझाव तथा गुनासो संकलन कैना, ग्राहक सदस्यहुकनसे महत्वपुर्ण राय, सल्लाह सुझाव संकलन कैना, उत्कृष्ट केन्द्र तथा सदस्यहुकनहे सम्मान तथा पुरस्कृत कैना उद्देश्यसे केन्द्र प्रमुखहुकनसे अन्तरक्रिया तथा वित्तीय साक्षारता तालिमके आयोजना करल एचआर सेक्सन प्रमुख मदन चौधरी बटैलै ।

कार्यक्रममे कर्जा, बचत ओ और सेवा सम्बन्धित राय सुझाव संकलन, सफल उद्यमी बन्ना अपने करल प्रयासके अनुभव सुनैना, कर्जा अधिक भारसे बचैना वित्तीय संस्थासे करल प्रयास, करिया सुचीके प्रक्रिया, छलफल हुइल सेक्सन प्रमुख बटैलै ।
विफेक रोज धनगढी शाखा कार्यालयके केन्द्र प्रमुखहुकनसे अन्तरक्रिया तथा वित्तीय साक्षारता तालिम हुइल रहे ।

१५ जाने ग्राहक सदस्यके उत्कृष्ट तथा जेहन्दार विद्यार्थीहुकनहे छात्रवृत्ति वितरण, ५ बुँदे संकल्प प्रस्ताव पारित, उत्कृष्ट केन्द्र, उद्दमी सदस्य, बचत कर्ता, उत्कृष्ट केन्द्र प्रमुखहुकनहे सम्मान तथा पुरस्कार, दुई जनहनहे बीमा सुविधा रकम हस्तान्तरण कैगिल रहे ।

कलेसे शुकके रोज शुकके रोज युनिक नेपाल लघुवित्त वित्तीय संस्थासे गेटा शाखा कार्यालयके केन्द्र प्रमुखहुकनसे अन्तरक्रिया तथा वित्तीय साक्षारता तालिम डेहल बा । कार्यक्रममे गेटा शाखामे ९९ ठो केन्द्र मन्से आर्थिक बर्ष २०७८/२०७९के मुल्याङकनमे केन्द्र नम्बर ९८ श्रीलंका युनिक महिला केन्द्रहे उत्कृष्ट केन्द्र मन्से पहिल हुइलमे प्रशंसापत्र डेहल रहे ।

केन्द्र नम्बर ७९ गुराँस यूनिक महिला केन्द्र दुसरा ओ ९९ केन्द्र उपहार यूनिक महिला केन्द्र टिसरा हुइलपाछे प्रशंसापत्र वितरण करल बा । ओस्टेक करके केन्द्र नम्बरके ८७के जन्योमति राना उत्कृष्ट केन्द्र प्रमुख, ८६ केन्द्रके असिनाकुमारी चौधरीहे उत्कृष्ट बचतकर्ता, केन्द्र नम्बर २४ के सुवानीदेवी चौधरीहे उत्कृष्ट उद्यमी हुइलमे प्रशंसापत्र वितरण करल बा ।

उहाँहुकनके युनिक नेपाल लघुवित्त वित्तीय संस्था लिमिटेडके गेटा शाखा प्रमुख नापीलाल चौधरी ओ संस्थाके एचआर सेक्सन प्रमुख मदन चौधरी प्रशंसापत्र वितरण करल रहिट । कार्यक्रममे युनिक नेपाल लघुवित्त वित्तीय संस्था लिमिटेडके नरेन्द्र थारु, राजेन्द्रकुमार चौधरीफे छलफल करैले रहिट ।