मानवअधिकार मैत्री घोषणापत्र तयार पर्ना प्रतिवद्धता

पहुरा समाचारदाता
कञ्चनपुर, २६ चैत । अनौपचारिक क्षेत्र सेवा केन्द्र (इन्सेक) सुदूपश्चिम प्रदेश कार्यालय धनगढीसे कञ्चनपुर जिल्लाके क्रियाशिला राजनीतिक दलहुकनहे मानवअधिकार मैत्री घोषणापत्र तयार कैना ध्यानाकर्षण करैले बा ।

स्थानीय समुदायहे सचेत परटी जिम्मेवार निकायहे जवाफदेही बनैना कार्यक्रम अन्तरगत पुनर्वास नगरपालिकामे गठित मानवअधिकार समुहसे नगर क्षेत्रमे क्रियासिल राजनीतिक पार्टीहुकनहे मानवअधिकार मैत्री घोषणापत्र तयार पारेक लाग ज्ञापनपत्र मार्फत ध्यान आकर्षण कराइल हो ।

आसन्न स्थानीय तहके निर्वाचनके मिति लग्गे हुइटीबेर निर्वाचनमे भाग लेना रानितीक पार्टीहुक्रे जनमत अपन पक्षमे पारेक लाग घोषणा पत्र मार्फत अपन पार्टीके घारणा आम नागरिक समक्ष रख्न तयारीमे रहल बेला मानबअधिकार समुहसे मानवअधिकार मैत्री घोषणापत्र निर्माण कराइक लाग मानवअधिकार सम्बन्धी आठ बुँदे सवाल समावेश करके दलहुकन ज्ञापनपत्र बुझाइल समुह पुनर्वासके संयोजक पर्शुराम विश्वकमा बटैलै ।

मानवअधिकार समुहसे बुझाइल ज्ञापनपत्र बुझ्टी नेपाली कांग्रस पुनर्वास नगर कमिटीके सभापती सुक बहादुर तामाङ्ग अपन पार्टीसे आसन्न स्थानीय तहके निर्वाचनहे मध्येनजर करके घोषणापत्र तयारी कैना तयारीमे रहल बेला मानवअधिकार समुहसे डेहल ज्ञापनपत्रमे रहल सुझाव महत्वपुर्ण भुमिका खेल्न बटैटी अपन पार्टीके घोषणापत्रमे उल्लेखित सुझावहे समावेश करैना प्रतिवद्धता जनैलै ।

नेकपा (एमाले) पुनर्वास नगर कमिटि अध्यक्ष पदम पुजारा मानवअधिकार समुहसे नेकपा(एमाले)से तयार पारे लागल घोषणापत्रहे ध्यानमे धारके उचित समयमे उचित सुझाव डेहलमे घन्यवाद डेटी उल्लेखित सुझाजहे नेकपा (एमाले)के घोषणापत्रमे समाबेश कैना प्रतिबद्धता जनैलै ।

नेकपा. माओवाद केन्द्रके पुनर्वास नगर कमिटी अध्यक्ष धोखे राना राजनीतिक पार्टीहुक्रे स्थानीय तहके निर्वाचनहे मध्ये नजर करके तयार पर्ना घोषणापत्रके विषयमे महत्तपुर्ण सुझाव मानवअधिकार समुहसे अपन पार्टीहे डेहलमे धन्यवाद डेटी स्थानीय पार्टी कमिटीके सुझावके आधारमे पार्टी मुख्यालयसे घोषणा पत्र तयार पर्ना हुइल ओरसे पालिकास्तरके पार्टी कमिटिसे डेना सुझावमे उल्लेखित सुझावहे समावेश कैना प्रतिवद्धता जनैलै ।

पुनर्वास नगरपालिकास्तरिय मानवअधिकार समुहके संयोजक विश्वकर्माके नेतृत्वमे मानवअधिकार सम्हके सदस्यहुक्रे अनौपचारिक क्षेत्र सेवा केन्द्र (इन्सेक) के कंञ्चनपुर जिल्ला सहजकर्ता कैलाश पनेरु सम्मिलिल एक टोली शुकके पुनर्वास नगरपालिकामे सक्रिय राजनीतिक दलहुकनहे आसन्न स्थानीयतहके निर्वाचनहे मध्येनजर करके तयार पर्ना राजनितीक दलहुकनके घोषणापत्रहे मानवअधिकार मैत्री बनाईक लाग ज्ञापनपत्र बुझाईल हो ।