हाफ म्याराथुनके पहिल उपाधि एपीएफके पार्कीहे

पहुरा समाचारदाता
धनगढी, २६ चैत । ‘अब धनगढी दौडिन्छ’ मुख्यमत्री जेसिज एभरेस्ट धनगढी हाफ म्याराथुन २०२२ के आठौ संस्करणमे एपीएफ नेपालके डोटी घर रहल गोपी चन्द्र पार्की ओ दुसरा स्थान नेपाल आर्मीसे मोहनदेव जोशीसे हासिल करले बटै ।

खुल्ला ओर २१.१ किलोमीटरके दुरी १ घन्टा ७ मिनेटके समयमे पार करके पहिल स्थान हासिल कैना एपीएफ नेपालके डोटी घर रहल गोपी चन्द्र पार्की सफल हुइल बटै । ओस्टेक करके दुसरा स्थान नेपाल आर्मीसे मोहनदेव जोशी हासिल करले बटै ।

उहाँ,१ घन्टा १२ मिनेट ५२ सेकेन्डमे २१.१ किलोमीटरके दुरी पार करल हुइट । दौड प्रतियोगितामे खुलाओर पहिल हुइल ५५ हजार ५ सय ५५ रुप्या, दुसरा ३३ हजार ३ सय ३३ रुप्या ओ टिसरा हुइलहे २२ हजार २ सय २२ रुप्या पैलै । ओस्टे करके कर्पोरेट ओ सञ्चारओर पहिल, दुसरा ओ टिसरा हुइलमे क्रमशः ५ हजार ५ सय ५५, ३ हजार ३ सय ३३ ओ २ हजार २ सय २२ रुप्या पुरस्कारके व्यवस्था करल रहे ।

ओस्टेक करके कर्पोरेट ओ सञ्चार, महिला, विद्यार्थीहेफे पहिल, दुसरा ओ टिसरा हुइलहे क्रमशः ५ हजार ५ सय ५५, ३ हजार ३ सय ३३ ओ २ हजार २ सय २२ रुपैयाँ पुरस्कारके व्यवस्था करल रहे । ओ ट्राई साइकल रेसमे सहभागी हुइना सक्कुहुनहे पुरस्कारके समेत व्यवस्था करल बा ।