धनगढीके उपमेयरमे एमालेसे दीप्ति शाहीके दावपहुरा समाचारदाता

धनगढी, २८ चैत । आगामी वैशाख ३० गते हुइना स्थानीय तहके निर्वाचनमे धनगढी उपमहानगरपालिकाके उपमेयर पदमे युवा नेतृ दीप्ति शाही दाबी कैले बाटी ।

सामाजिक क्षेत्रमे काम कैटी आपनहे स्थापित बनैना सफल शाही नेकपा एमालेसे उपमेयर पदके दाबी करल हुइटी ।

२०६८ सालसे नेकपा एमालेके संगठित सदस्य रहल शाही वडा कमिटी, जिल्ला निर्वाचन विभाग हुइटी पार्टीके टमान संगठनमे बैठके काम कैसेकल बाटी । शाही अब्बे धनगढी नगर कमिटीके सहसचिव पदमे रहीके काम कैटी रहल बाटी । पार्टी आपनहे विश्वास कैके उपमेयरके लाग टिकट डेहलमे विजयके झण्डा फहरैना सफल हुइना शाही बटैले बाटी ।

विगत लम्मा समयसे इ क्षेत्रमे रहीके प्रत्यक्ष अप्रत्यक्ष रुपमे जनता सामु नै रहीके काम करल ओ ओकर मूल्यांकन इ क्षेत्रके जनता करल ओरसे अपने ओ आपन टिमहे विजय करैना सहज हुइनामे अपनेू विश्वस्त रहल ओहकान कहाइ बा ।