सेवाग्राहीके सन्तुष्टी हमार सेवाः केजी हस्पिटल

पहुरा समाचारदाता
धनगढी,३ बैशाख । धनगढी उपमहानगरपालिका वडा नम्बर ४ चौराहमे रहल केजी हस्पिटल अपन सेवा सुविधाके बारेमे सञ्चारकर्मीहुकनहे जानकारी करैले बा । सेवा सुरु करल छोट समयमे सेवाग्राहीके मन जित्न सफल केजी हस्पिटलसे अपन सेवा सुविधाके बारेमे जानकारी कराइल हो ।

हस्पिटलके प्रबन्धक तथा जेनेरल तथा ल्याप्रोष्कोपीक सर्जन डा. दिपककुमार सिंह सामुदायिक अस्पतालके शुल्कमे अपनेहुक्रे सेवा डेटी रहल बटैलै । ‘न्यूनतम शुल्कमे सेवा डेटी रहल बटी,’ उहाँ कहलै, ‘कतिपय अस्पतालमे पहिले पैसा जम्मा करे परठ । मने, हमे पहिले उपचार ओकरपाछे पैसा कहल बटी ।’

उहाँ पैसासे सेवा महत्वपूर्ण हुइना बटैलै । अस्पतालमे आकस्मिक सेवा, आईसीयु, तथा पीआसियु सेवा, भिडियो एक्स–रे (अत्याधुनिक प्रविधिसे) विशेषज्ञ डाईक्टरसे चेक जाँच, अप्रेसन सेवा, अत्याधिनिक प्रयोगशाला, डिजिटल एक्सरे सेवा, एम्बुलेन्स सेवा, सुरक्षित सुत्केरी सेवा डेना करल बा ।

ओस्टेक इसीजी, इसीएचओ (मुटुके भिडियो एक्सरे) सेवा, इन्डोस्कपी सेवा रहल बा । डाक्टर सिंहके अनुसार हर्निया, एपेन्डिस, दुरबिनसे पित्तथैली, दुरबिनसे पाठेघरके अप्रसन, अण्डासयके अप्रेसन लगायतके सेवा डेना करल बा ।

२५ बेडके अस्पतालमे ६ ठो आईसीयु बेड रहल बटै । अस्पतालमे चिकित्सक सहित ७० जाने कर्मचारी रहल बटै ।