थाकस सभापति दुर्घटनामे गम्भीर घाहिल

पहुरा समाचारदाता
धनगढी, ४ वैशाख । थारु कल्याणकारिणी सभा कैलालीके सभापति लाहुराम चौधरी मोटरसाइक दुर्घटनामे परके गम्भीर घाहिल हुइल बटैं ।

उहाँहे धनगढीस्थित ट्राफिक चौराहा लग्गे तीब्र गतिमे आइल मोटरसाइकल पाछेसे थक्कर डेले रहे । चौधरीके कपरा, गोर ओ आँखीमे गम्भीर चोट लागल थाकसके केन्द्रीय सदस्य प्रभात चौधरी जानकारी डेलैं ।

अचेत अवस्थामे रहल चौधरीके मायामेट्रो अस्पतालके आइसस्यूमे उपचार हुइटिरहल बा । उहाँ टिना किन्ना कहिके घरसे निक्रल रहैं ।