एकीकृत समाजवादीसे धनगढीके मेयर ओ उपमेयरके नाउँ सिफारिस

पहुरा समाचारदाता
धनगढी, ४ बैशाख । नेपाल कम्युनिष्ट पार्टी (एकीकृत समाजवादी) से धनगढी उपमहानगरपालिकाके मेयर ओ उपमेयरके नाउँ सिफारिस करल बा । मेयरमे मदनराज रेग्मी, लोकेन्द्र बानियाँ के नाउँ सिफारिस करले बा ।

अँटवार धनगढी उपमहानगर कमिटीके बैंठकसे मेयर ओ उपमेयरके लाग नाउँ सिफारिस करल हो । उमहानगरके उपमेयरमे रोजी बस्नेतहे सर्वसम्मत उम्मेदवार छनौट करले बा । नगर प्रमुखके उम्मेद्वार रेग्मी धनगढी उपमहानगर कमिटी अध्यक्ष हुइट कलेसे बाँनिया प्रदेश कमिटी सदस्य हुइट । उपमेयरके उम्मेदवार बस्नेत उपमहानगर कमिटी उपाध्यक्ष हुइट ।

१९ ठो वडा रहल धनगढी उपमहानगरके सक्कु वडामे समाजवादी उम्मेदबारी घोषणा करके चुनावमे लग्ना निर्णय समेत नगर कमिटी करले बा । वडाध्यक्षके सवालमे वडासे आइल सिफारिसके आधारमे जिल्ला कमितिसे टुंग्याइ कलेसे वडा सदस्यके हकमे नगर कमिटीसे उम्मेद्वार चयन कैना नगर कमिटी अध्यक्ष मदन रेग्मी बटैलै । समाजवादीसे नगरके १९ ठो वडामे वडा कमिटी ओ टोल कमिटी गठन करसेकल बा । उपमहानगरपालिकामे समाजवादीसे ८ हजार ढेर सदस्यता वितरण करल जनैले बा ।