राप्रपासे घोडाघोडी नगरप्रमुखके लाग निरज मल्ल

पहुरा समाचारदाता
धनगढी, ५ बैशाख । राष्ट्रिय प्रजातन्त्र पार्टीसे आगामी स्थानीय तह निर्वाचनमे कैलालीके घोडाघोडी नगरपालिकामे उम्मेदवारके टुंगो लगैले बा । राप्रपासे घोडाघोडी नगरपालिका प्रमुखमे निरज मल्ल सर्वसम्मत हुइल बाटै । मल्लके नेतृत्वमे सोम्मारके वडाध्यक्षके फेन उम्मेदवारी सार्वजनिक करल हो ।

१२ वडामध्ये कुछ वडामे उम्मेदवार घोषणा करल नैहो । बाँकी रहल वडाध्यक्ष ओ वडा सदस्यके नाउँ वैशाख ८ गतेसम टुंगो लगैना राप्रपा कैलाली जनैले बा । घोषणा करलअनुसार वडा नम्बर ३ मे रामनाथ चौधरी अध्यक्ष उम्मेदवार बन्ना हुइल बाटै । अन्यमे सहमति हुइ सेकल नैहो । वडा नम्बर ४ के अध्यक्षमे बमबहादुर बुढा, महिला सदस्यमे गौरा कठायत, दलित सदस्यमे सीता बिक ओ सदस्यमे गणेश रतौकी, देवराज बुढा रहल बाटै ।

वडा नम्बर ५ के अध्यक्षमे देवबहादुर नेगी ओ दलित महिलामे भजना पार्की रहल बाटै । वडा नम्बर ८ के अध्यक्षमे खडकबहादुर बम, महिला सदस्यमे पवित्रा ओली ओ सदस्यमे गंगाराम जैसी ओ गोविन्द बम रहल बाटै । वडा नम्बर १० के अध्यक्षमे सुरेशकुमार कठायत, सदस्यमे चेतराम चौधरी ओ दीपक बम उम्मेदवारी घोषणा करले बाटै ।

वडा नम्बर ११ के अध्यक्षमे नवीनप्रकाश उपाध्याय ओ १२ के अध्यक्षमे डेबिट कठरिया, सदस्य राजेश बखरिया, कालीचरण चौधरी ओ महिला सदस्यमे फागुनीदेवी चौधरी रहल बाटै ।