स्थानीय विकासमे पत्रकारिता क्षेत्रके भूमिका सम्बन्धी अभिमुखीकरण कार्यक्रम

पहुरा समाचचरदाता
जोशीपुर, ६ वैशाख । स्थानीय विकासमे पत्रकारिता क्षेत्रके भूमिका र सूचनाके हक सम्बन्धी अभिमुखीकरण कार्यक्रम सुरु हुइल बा ।

नेपाल पत्रकार महासंघ कैलालीके संयोजन तथा जोशीपुर गाउँपालिकाके सहकार्यमे दुई दिने अभिमुखीकरण कार्यक्रम सुरु हुइल हो । नेपाल पत्रकार महासंघ कैलाली शाखा अध्यक्ष हिमालय जोशीके अध्यक्षतामे दुई दिने अभिमुखीकरण कार्यक्रमके उदघाटन हुइल रहे ।

अभिमुखीकरण कार्यक्रममे सहजीकरण नेपाल पत्रकार महासंघ कैलालीके पूर्व सचिव तथा सामुदायिक टीकापुर एमएमके स्टेशन म्यानेजर एकिन्द तिमिल्सेना करटी रहल बटै । अभिमुखीकरण कार्यक्रममे जोशीपुर गाउँपालिकाके टमान १५ जानेक सहभागिता रहल बा ।

उदघाटन कार्यक्रममे पत्रकार हरिश विक, पदम बोहरा, धमेन्द्र विष्ट, रतनलाल चौधरी अपने भोगल पत्रकारिताके अनुभव सुनाइल रहिट ।