जसपासे धनगढीके मेयर ओ उपमेयरमे उम्मेदवारी घोषणा

पहुरा समाचारदाता
धनगढी, १० वैशाख । सुदूरपश्चिम प्रदेशमे सत्ता गठबन्धनसे वाहिरल जनता समाजवादी पार्टी नेपाल (जसपा) से धनगढी उपमहानगरपालिकामे उम्मेदवारी घोषणा करले बा ।

शनिच्चर पत्रकार सम्मेलन करके धनगढी उपमहानगरके मेयर ओ उपमेयरमे उम्मेदवारी घोषणा करल हो । प्रमुखमे धनगढी उपमहानगरापलिका वडा नम्बर ३ के युवा कविन्द्र ऐर ओ उप–प्रमुखमा नन्दकली रानाहे आघे सरले बा । रानाके धनगढी उपमहानगरपालिका वडा नम्बर ८ हो ।

मेयरके प्रत्यासी कविन्द्र ऐर व्यवसायी हुइट । उहाँ हाली धनगढीमे रिसोर्ट सञ्चालन कैना तयारीमे बटै । उहाँ धनगढीके सुदूरपश्चिमाञ्चल क्याम्पस, नेपाल वेष्टन कलेज, क्रेसेन्ट कलेजलगायतमे अध्ययापन समेत करैले रहिट । मेयरके प्रत्यासी ऐर अपनहे धनगढीवासीसे विश्वास करलेसे शिक्षा, स्वास्थ्य, खानेपानी लगायतके क्षेत्रमे फरक शैलीमे काम करके डेखैना दावी करलै । ‘धनगढीके माटीसंग खेल्ले बटु । यहाँके वस्तु स्थितिके बारेमे जानकार बटु,’ उहाँ कहलै–‘यहाँके आवश्कता अनुसार काम करके डेखैम ।’

धनगढीके व्यवसायीके पक्षमे अपने काम कैना शनिच्चर धनगढीमे करल पत्रकार सम्मेलनमे उहाँ दावी करलै । जसपासे सुदूरपश्चिम प्रदेश सरकारमे सहभागी नइकराइल कहटी सत्तारुढ गठबन्धनसे चैत २६ गते बहिरना घोषणा करल रहे ।

जसपाके सुदूरपश्चिम सांसद मालामति रानाके अनुसार अपने आव सत्तागठबन्धन संग चुनावी तालमेल नइकरके लोकतान्त्रिक समाजवादी पार्टी(लोसपा), नेपाल लोकतान्त्रिक पार्टी ओ संघीय लोकतान्त्रिक राष्ट्रिय मञ्चसंग तालमेल करलके घोषणा कैसेकल बा ।