स्वतन्त्र उम्मेदवार गोपाल हमाल मेयर पदमे मनोनयन दर्ता

पहुरा समाचारदाता
धनगढी, ११ वैशाख । धनगढी उपहानगरपालिकाके मेयर पदके स्वतन्त्र उम्मेदवार गोपाल हमाल मनोनयन दर्ता कैले बटै ।
धनगढीस्थित मुख्य निर्वाचन अधिकृतके कार्यालय पुगके हमाल मेयर पदमे स्वतन्त्र उम्मेदवारी दर्ता कराइल हुइट । निर्वाचन आयोगसे आज ओ काल्ह ५ बजेसम मनोनयनके लाग समय तोकल अनुसार आज बिहान धनगढीके ट्राफिक चौराहासे बाजा ओ ¥याली सहित बजार परिक्रमा करटी उहाँ धनगढी उपमहानगरपालिकाके मेयर पदमे उम्मेदवारी दर्ता करैले रहिट ।

मेयरमे विजयी हुइलेसे सेवासुविधाके नाउँमे धनगढी उपमहानगरपालिकासे एक रुप्याफे नइलेना पालिकाके गाडीफे नइचढ्ना घोषणा करले बाटै । ०७४ सालके चुनावमेफे हमाल मेयर पदमे स्वतन्त्र उम्मेदवार रहिट । उ बेला हमाल ११ हजार ५ सय २७ मत नानके दुसरा हुइल रहिट । उहाँ काँग्रेसके नृपबहादुर वडसंग दुई हजार सात सय मतसे पराजित हुइल रहिट ।

ओस्टेक धनगढी उपमहानगरपालिका वडा नम्बर ४ के अध्यक्षमे सिद्धराज पनेरु, वडा नम्बर ५ मे पदमराज भट्ट, वडा नम्बर १४ मे यम लामिछाने ओ वडा नम्बर १५ मे कमलबहादुर ढाटफे स्वतन्त्र उम्मेदवारीके लाग मनोनयन दर्ता करसेकल बटै ।