रामजानकी ७ औं वार्षिक साधारण सभा

पहुरा समाचारदाता
पहलमानपुर, १७ वैशाख । घोडाघोडी–११, मुर्गहुवास्थित रामजानकी सामुदायिक वन उपभोक्ता समूहके ७ औं वार्षिक साधारण सभा तथा सार्वजनिक सुनुवाइ हुइल बा । वार्षिक साधारण सभासे पुनः चन्द्रबहादुर चौधरीके अध्यक्षतामे १३ सदस्यीय नयाँ कार्यसमिति चयन करगिल बा ।

समितिके उपाध्यक्ष वीरेन्द्रलाल थारु, सचिवमे सीमाना कठरिया, कोषाध्यक्षमे माया चौधरी चयन हुइल बटैं । ओस्टेक, सदस्यमे शारदा चौधरी, दयाराम चौधरी, रामकृष्ण चौधरी, भागरथी विष्ट, बिनिता महरा, श्यानु चौधरी, प्रशुराम चौधरी, रामसरे चौधरी कृष्णबहादुर ओली चयन हुइल बटैं ।

यीआघे सवडिभिजन वन कार्यालय सुखडके रेञ्जर जुगराम चौधरी उद्घाटन करल कार्यक्रम सावउस अध्यक्ष चन्द्रबहादुर चौधरीके अध्यक्षतामे हुइल रहे । कार्यक्रममे घोडाघोडी–११ के वडा सदस्य नन्दराम कठरिया, उपभोक्ता बिमलादेवी चौधरी मन्तव्य व्यक्त करले रहैं ।

उ अवसरमे सावउसके लेखा समिति संयोजक प्रदेशु चौधरी आर्थिक वर्ष २०७७/०७८ के ३४ लाख ४७ हजार ६ सय ८७ बराबरके आयव्यव प्रस्तुत करले रहैं । कार्यक्रममे स्वागत सावउसके सल्लाहकार संयोजक बिहारीलाल चौधरी करले रहैं ।