भजहरके अवसरमे फुटबल प्रतियोगिता
पहुरा समाचारदाता
मसुरिया, १७ वैशाख । कैलारी गाउँपालिका वडा नम्बर ८ स्थित युवा जनहित क्लवके आयोजनामे शनिच्चरके रोजसे थारु सांस्कृतिक डोसर बर्का भजहर फुटबल प्रतियोगिता सुरु हुइल बा । थारु समुदायके भजहर पर्वके अवसरमे प्रतियोगिता हुइल हो ।
१६ टिम सहभागी रहल फुटबल प्रतियोगितामे प्रथम हुइल टिम नगद ४९ हजार ९ सय ९९ ओ डोसर हुइल टिम नगद २४ हजार ९ सय ९९ पुरस्कार प्राप्त करि ।
जिल्ला फुटबल संघके उपाध्यक्ष सुरेश हमाल उद्घाटन करल कार्यक्रम क्लवके अध्यक्ष मनिराम चौधरीके अध्यक्षतामे हुइल रहे ।
कार्यक्रममे नेपाली काँग्रेसके रामचरण चौधरी, पुरन चौधरी, हिरालाल चौधरी, तारामाल कठरिया, लोकतान्त्रिक पार्टीके फूलराम चौधरी, जनता आधारभूत विद्यालयके प्रधानाध्यापक रामस्वरूप चौधरी, सीताकुँवा सावउसके अध्यक्ष भागीराम चौधरील, नेविसंघके अविनास चौधरी, केदार चौधरी, गायक मनिराम चौधरीगायतके उपस्थिति रहे ।
कार्यक्रममे युवा जनहित क्लवके सचिव कालुप्रसाद चौधरी स्वागत करले रहैं ।
