प्रदेश र जिल्ला तहमा तयारी अन्तिम चरणमे
काठमाडौँ, २४ वैशाख । स्थानीय तह सदस्य निर्वाचन, २०७९ के तयारीके लाग निर्वाचन आयोगके प्रदेश निर्वाचन कार्यालय, जिल्ला निर्वाचन कार्यालय, मुख्य निर्वाचन अधिकृत ओ निर्वाचन अधिकृतके कार्यालयसे तयारीहे तीव्रता डेले बटै ।
उ कार्यालयसे मतदान अधिकृत ओ सहायक मतदान अधिकृतहे आयोगसे निर्धारण करल विषयवस्तुके आधारमे तालिम डेले बटै । कतिपय जिल्लामे तालिम जारी रहल बा । कलेसे कतिपय जिल्लामे तालिम सम्पन्न हुइल बा ।
कार्यालय आयोगसे प्राप्त हुइल निर्वाचन सामग्री ओ मतपत्रहे व्यवस्थापन करटी प्याकिङ ओ वितरणके तयारी अन्तिम चरणमे पुगैले बटै । निर्वाचन सामग्री हाली मतदानस्थल ओ केन्द्रमे लैजाइ ।
सुरक्षाके प्रबन्ध, आचारसंहिता कार्यान्वयनके अनुगमन, नमूना मतदानके तयारीलगायतके काममेफे उ कार्यालय जुटटी रहल बटै । प्रदेश निर्वाचन कार्यालयसे प्रदेशके मुख्यालय रहल जिल्लाभरके निर्वाचन गतिविधिके नेतृत्व लिही कलेसे जिल्ला निर्वाचन कार्यालयसे सम्बन्धित जिल्लाके जिम्मेवारी पैले बटै । प्रदेश निर्वाचन कार्यालय रहल ठाउँमे जिल्ला निर्वाचन कार्यालय धारल नइहो ।
नमूना मतदान करैटी दाङ– लुम्बिनी प्रदेशके मुख्यालय रहल दाङ जिल्लामे प्रदेश निर्वाचन कार्यालयसे निर्वाचनके तयारीहे व्यवस्थित करले बा । उ कार्यालयके प्रमुख नारायण भण्डारीके अनुसार सक्कु मतदान केन्द्रके लाग निर्वाचन सामग्री प्याकिङ हुइटी रहल बा ।
