कैलारीके वडा नम्बर २ मे काँग्रेसके पुरा प्यानल विजयी

पहुरा समाचारदाता
धनगढी, ०१ जेठ । कैलालीके कैलारी गाउँपालिकामे नेपाली काँग्रेस अग्रता कायमसँगे वडा नम्बर २ के वडाध्यक्षमे विकास चौधरीसहित उहाँक पुरे प्यानल विजयी हुइल बा ।

नेपाली काँग्रेस वडा नम्बर १ मे फेन विजयी हुइल बा । वडाध्यक्षके उम्मेदवार ध्वजहरिपाल बोहरा १ हजार १५ मत नान्के विजयी हुइल बटैं । वडा सदस्यमे क्रमशः लिलापति चौधरी, पुष्पा भूल, तुलसीप्रसाद चौधरी ओ सिकारी चौधरी विजयी हुइल बटैं ।

अध्यक्ष बोहरा अपन प्रतिद्वन्द्वी नेकपा माओवादी केन्द्रके बालकृष्ण डंगौराहे पराजित विजयी हुइल बटैं । निवर्तमान अध्यक्ष रहल डंगौरा ६६० मत नन्ले बटैं । यीआघे २०७४ सालके स्थानीय तह निर्वाचनमे उहाँ पुरे प्यानल विजयी हुइल रहे ।

जम्मा ३६ हजार ७३५ मतदाता रहल यी गाउँपालिकामा २८ हजारर ६९७ मत परल बा ।