गठबन्धन उम्मेदवारहे पराजित कैके शैल्यशिखरमे एमाले विजयी

दार्चुला, ०२ जेठ । दार्चुलाके शैल्यशिखर नगरपालिकामे गठबन्धनहे पराजित कैके नेकपा एमाले जित हासिल करले बा । शैल्यशिखरमे जम्मा गिरल दश हजार ७३ मतमध्ये एमाले उम्मेदवार विजयसिंह धामी पाँच हजार ५०९ मत लन्टी नगरप्रमुख पदमे निर्वाचित हुइल बाटै ।

एमालेके धामी कांग्रेशके उम्मेदवार अमरसिंह धामीहे ८४७ मतान्तरसे पराजित कैटी निर्वाचित हुइल बाटै । उपप्रमुखमे एमालेके उम्मेदवार शान्ति खडायत पाँच हजार ६४८ मत लन्टी काँग्रेस उम्मेदवार राजमती बम पालहे एक हजार ७३ मतान्तरसे पराजित कैटी विजयी हुइली ।