जोशीपुर–३ मे नागरिक उन्मुक्तिके रेणु चौधरीके प्यानल विजयी

पहुरा समाचादाता
धनगढी, ३ जेठ । कैलालीके जोशीपुर गाउँपालिका वडा नम्बर ३ मे नागरिक उन्मुक्ति पार्टी प्यानलसहित विजयी हुइल बा । गाउँपालिका–३ के वडाअध्यक्षमे नागरिक उन्मुक्ति पार्टीके रेणुकुमारी डंगौरा पूरा प्यानलसहित विजयी हुइल बाटै ।

उहाँ ६ सय १५ मत लानके विजय हुइल हुइट । ओहकान निकटतम प्रतिद्वन्द्वी नेपाली काँग्रेसके उम्मेदवार किशोरकुमार कठरिया ५ सय ९३ मत लानल रहिट । महिला सदस्यमे फुलमती डंगौरा ६ सय ४२, दलित महिला सदस्य शितल विक ६ सय ५१, खुल्ला सदस्यद्वय राजेश चौधरी ६ सय ५५, ज्ञानप्रसाद महतो ६ सय १६ मत लानके विजयी हुइल बाटै ।