बेलौरीके मेयरमे माओवादीके पोतीलाल निर्वाचित
पहुरा समाचारदाता
कञ्चनपुर, ३ जेठ । कञ्चनपुरके बेलौरी नगरपालिकाके मेयरमे पोतिलाल चौधरी दुसरा कार्यकालके लाग निर्वाचित हुइल बटै ।
माआवादी केन्द्रसे उम्मेदवार चौधरी आठ हजार ४९६ मत पैलै । उहाँक निकटतम प्रतिद्धन्दी एमालेके कुमारीकमला बोहरा छ हजार ६१४ मत, नेपाली काँग्रसके हरेन्द्रसिह विष्ट पाँच हजार ९७९ मत प्राप्त करलै ।
बेलौरीमे नगरप्रमुखके लाग ६ जाने उम्मेदवार चुनावी मैदानमे रहिट ।
ओस्टेक करके उपप्रमुखमे एमालेके जोगराम चौधरी निर्वाचित हुइल बटै । उहाँ सात हजार २८७ मत प्राप्त करलै । उहाँक निकटतम प्रतिद्धन्दी माओवादी केन्द्रके मन्जु शाह छ हजार ६८२ ओ काँग्रेसके खिना भण्डारी छ हजार ३४९ मत पैलै ।
बेलौरी नगरपालिका नम्बर १ के वडा अध्यक्षमे माओवादी केन्द्रके धन बहादुर विष्ट, वडा नम्बर २ के वडा अध्यक्षमे एमालेके करविर चौधरी, वडा नम्बर ३ के वडा अध्यक्षमे एमालेके सिताराम रिजाल, वडा नम्बर ४ के वडा अध्यक्षमे एमालेके अर्जुन ढकाल, वडा नम्बर ५ के वडा अध्यक्षमे माओवादी केन्द्रके लालबहादुर चौधरी विजयी हुइल बटै ।
ओस्टेक वडा नम्बर ६ के वडा अध्यक्षमे एमालेके भोजराज चौधरी, वडा नम्बर ७ मे नेपाली काँग्रेसके प्रकाश श्रेष्ठ, वडा नम्बर ८ के वडा अध्यक्षमे माओवादी केन्द्रके विषराम राना, वडा नम्बर ९ के वडा अध्यक्षमे नेपाली काँग्रेसके किसनसिंह राना ओ वडा नम्बर १० मे माओवादी केन्द्रके सोमलाल चौधरी विजयी हुइल बटै ।
