जोशीपुर–४ मे नागरिक उन्मुक्ती पार्टीके रामजनम प्यानल विजयी

पहुरा समाचारदाता
जोशीपुर, ३ जेठ । कैलालीके जोशीपुर गाउँपालिका वडा नम्बर ४ मे रेशम चौधरीके पार्टी नागरिक उन्मुक्ती पार्टीके रामजनम चौधरीके नेतृत्वमे पुरे प्यानल विजयी हुइल बा ।

रामजनम चौधरी १४ सय ३४ मत नानके वडा अध्यक्षमे विजयी हुइल बटै । हुकान प्रतिद्वन्द्वी नेपाली काँग्रेसके लखनराल चौधरी ५९९ मत नन्ले बा ।

ओस्टेक वडा सदस्यमे सुमित्रा चौधरी १४ सय १६, सञ्जित चौधरी १३ सय ५५, दिलमाया विश्वकर्मा १४ सय ६४ ओ वेफराम डंगौरा १३ सय ३४ मत नानके प्यानल विजयी हुइल हुइट ।