घोडाघोडी–१० मे नेपाली काँग्रेसके विजय स्वाँर विजयी

पहुरा समाचारदाता
धनगढी, ३ जेठ । कैलालीके घोडाघोडी नगरपालिका वडा नम्बर १० के वडाध्यक्षमे नेपाली काँग्रेसके विजयराज स्वाँर प्यानलसहित विजयी हुइल बटैं ।

स्वाँर प्रतिद्वन्द्वी एमालेके रामप्रसाद भण्डारीहे ४७८ मतान्तरसे पाछे परटि विजयी हुइल बटैं । स्वाँर ९०९ मत प्राप्त करले बटैं कलेसे भण्डारी ४३१ मत पैले बटैं ।

ओस्टेक, सदस्यमे रोहित बम ९०२ मत, जालुराम चौधरी ८४७ मत, महिला सदस्यमे जयकुमारी चौधरी ८७५ ओ दलित महिला सदस्यमे मीनाकुमारी विक ९२३ मत प्राप्त कैके विजयी हुइल बटैं ।

यीआघे २०७४ के चुनावमे यहाँ एमालेके भीम बम जिटल रहैं ।