प्रेम चौधरीहे फेनसे वडा हँक्ना जिम्मेवारी
पहुरा समाचारदाता
धनगढी, ३ जेठ । कैलालीके कैलारी गाउँपालिमे नेपाली काँग्रेसके अग्रतासँगे वडा नम्बर ६ मे नेपाली काँग्रेसके अध्यक्षके उम्मेदवार प्रेम चौधरी आपन प्यानलसहित विजयी हुइल बाटै । इ सँगे उहाँ फेनसे वडा हँक्ना जिम्मेवारी पाइल हुइट ।
उहाँ १०५३ मत लानके विजयी हुइल हुइट । ओहकान निकटतम प्रतिद्वन्द्वी स्वतन्त्र उम्मेदवार अनिल चौधरी ७१० मत पायल रहिट । इहीसे आघे नेपाली काँग्रेससे वडा नम्बर १ धोजहरिपाल बोहरा, २ मे विकास चौधरी, ३ मे सन्तराम चौधरी ओ वडा नम्बर ४ मे ठागुराम चौधरी ओ ५ मे विष्णुप्रसाद चौधरी आपन प्यानलसहित विजयी हुइल बाटै ।
यहोर वडा नम्बर १ से ६ सम हुइल मतगणनामे काँग्रेसके गाउँपालिका अध्यक्ष उम्मेदवार राजसमझ चौधरी ६३०३ मत प्राप्त कैके पहिल, राप्रापाके उम्मेदवार होमबहादुर गुरुङ ४०८४ मत लानके डुसरा ओ नेकपा (माओवादी केन्द्र) के लाजुराम चौधरी ३८१७ मत प्राप्त कैक टिसरा स्थानमे रहल बाटै ।
उपाध्यक्ष ओर काँग्रेसके भगवती चौधरी ६३०० मत, माओवादी केन्द्रके लक्ष्मी सत्गौवा थारु ३९१३ मत ओ राप्रापाके पिंगला थारु ३४७५ प्राप्त करले बाटी ।
