जोशीपुर–५ मे नागरिक उन्मुक्ति पार्टीसे अनर विजयी

पहुरा समाचारदाता
धनगढी, ४ जेठ । नेपाली काँग्रेसके नेता एवम् पूर्वराज्यमन्त्री जनकराज चौधरीके वडामे नागरिक उन्मुक्ति पार्टी विजयी हासिल करले बा ।

उ पार्टीके अनर चौधरी अत्यधिक मतके साथ वडा अध्यक्षमे विजयी हुइल हुइट । नेपाली काँग्रेसके उम्मेदवारहे २२६ मतान्तरसे पराजित कैके उहाँ वडा अध्यक्षमे विजयी हुइल हुइट । जित हासिल करल चौधरी ८०३ मत प्राप्त करले बाटै ।

महिला सदस्यमे नागरिक उन्मुक्ति पार्टीके सोनी डङ्गौरा, नागरिक उन्मुक्ति पार्टीसे दलित महिला सदस्यके उम्मेदवार नैहोेक उ पद्मा नेपाली काङ्ग्रेसके उम्मेदवार शान्ती नेपाली विजयी हुइल बाटै । खुला सदस्यमे नागरिक उन्मुक्ति पार्टीके रामबहादुर चौधरी ओ श्याम सुन्दर चौधरी विजयी हुइल बाटै ।