चुरेके नवनिर्वाचित अध्यक्ष बोगटीसे सपथग्रहण

पहुरा समाचारदाता
धनगढी, ४ जेठ । कैलालीके पहाडी क्षेत्रमे अवस्थित चुरे गाउँपालिकाके अध्यक्ष चक्रबहादुर बोगटी पद तथा गोपनीयताके सपथ ग्रहण करले बाटै । कैलाली जिल्ला अदालतमे बुधके आयोजित एक कार्यक्रम बिच मुख्य निर्वाचन अधिकृत एवम् जिल्ला न्यायाधीश जयानन्द परेरू नवनिर्वाचित अध्यक्ष बोगटीहे पद तथा गोपनीयताके सपथ ग्रहण कराइल हुइट ।

उहाँ गाउँ पालिकामे गठबन्धनके ओरसे एकीकृत समाजवादीके लोकबहादुर सारुहे २४ मतसे पराजित करल रहिट । बोगटी ३ हजार ३ सय ५ मत लन्ले रहिट कलेसे सारु ३ हजार २ सय ८१ मत प्राप्त करल रहिट ।