गौरीगंगा–४ मे काँग्रेसके रामबहादुर चौधरी विजयी

पहुरा समाचारदाता
मसुरिया, ४ जेठ । गौरीगंगा नगरपालिका–४ के वडाध्यक्षमे नेपाली काँग्रेसके रामबहादुर चौधरी विजयी हुइल बटैं ।

माओवादी केन्द्रके उम्मेदवार नविन धामीहे ३९ मतान्तरसे पराजित कैके चौधरी वडाअध्यक्षमे विजयी हुइल हुइट् । विजयी चौधरी १ हजार ९३ मत प्राप्त करलै कलेसे उहाँक प्रतिद्वन्द्वी धामी १ हजार ५४ मत प्राप्त करले रहैं ।

ओस्टेक, सदस्यमे माओवादी केन्द्रके बलराम सापकोटा ९७४, ओ नेपाली काँग्रेसके जलप्रसाल चौधरी ९६८ मत, महिला सदस्यमे माओवादी केन्द्रमे मथुरा अधिकारी १ हजार २९ मत ओ दलित महिला सदस्यमे माओवादीके मीना नेपाली १ हजार मत नान्के विजयी हुइल बटैं ।