मोहन्याल गाउँपालिकामे माओवादी विजयी

पहुरा समाचारदाता
धनगढी, ४ जेठ । कैलालीके मोहन्याल गाउँपालिकाके अध्यक्षमे नेकपा माओवादी केन्द्रके देवीदत्त उपाध्याय निर्वाचित हुइल बटै । नेकपा एमालेके उम्मेदवार धरमबहादुर थापाहे पराजित करटी उपाध्याय गाउँपालिका अध्यक्षमे निर्वाचित हुइल हुइट ।

उहाँ तीन हजार एक सय ३४ मत प्राप्त करले बटै कलेसे प्रतिस्पर्धी थापा दुई हजार सात सय १५ मत प्राप्त करल रहिट । ओस्टेक उपाध्यक्षमे नेपाली काँग्रेसके उम्मेदवार कमलबहादुर साउँद निर्वाचित हुइल हुइट । उहाँ तीन हजार तीन सय ३९ मत प्राप्त करले बटै ।

उहाँक प्रतिस्पर्धी नेकपा एमालेके उम्मेदवार सरस्वती देवी रावल विष्ट दुई हजार तीन सय तीन मत प्राप्त करल रहिट । उ गाउँपालिकामे सात हजार सात ९० मत परल रहे ।