घोडाघोडीके मेयरमे समाजवादीके रावत विजयी

पहुरा समाचारदाता
धनगढी, ५ जेठ । कैलालीके घोडाघोडी नगरपालिकाके मेयरमे एकीकृत समाजवादीके खड्क रावत प्रतिद्वन्द्वीसे ४ हजार ८८७ मतान्तरसे विजयी हुइल बटैं ।

बिफेक रोज सार्वजनिक नतिजा अनुसार रावत प्रतिद्वन्द्वी ४ हजार ८८७ मतान्तरसे विजयी हुइल बटैं ।

रावत १३ हजार १२८ ओ उहाँक निकटतम प्रतिद्वन्द्वी एमालेके ममताप्रसाद चौधरी ८ हजार २४१ मत पैले बटैं । चौधरी निवर्तमान मेयर हुइट् ।

ओस्टेक, उपप्रमुखके नेपाली काँग्रेसके गुलिया चौधरी विजयी हुइल बटि । उहाँ अपन निकटतम प्रतिद्वन्द्वी एमालेके करुणा बम बटालाहे ५ हजार ३०७ मतान्तरसे विजयी हुइल बटि । उहाँ १२ हजार २७० ओ एमालेके वम ६ हजार ९६३ मत पैले बटि ।