गोदावरीके नवनिर्वाचित नगरप्रमुख भट्टसे सपथ

पहुरा समाचारदाता
धनगढी, ५ जेठ । कैलालीके गोदावरी नगरपालिकाके नवनिर्वाचित नगरप्रमुख बिरेन्द्र भट्ट सपथ ग्रहण करले बाटै । बिफेक रोज जिल्ला न्यायाधिस जयानन्द पनेरु भट्टहे सपथग्रहण कराइल हुइट ।

बुधके सम्पन्न मतपरिणाम अनुसार कांग्रेसके उम्मेदवार भट्ट एमालेके उम्मेद्वार गोकर्ण भट्टहे ४ हजार २ सय ७७ के ढिउर मतान्तरसे पराजित करल रहिट ।

कांग्रेसके उम्मेदवार भट्ट १५ हजार ५ सय १ मत प्राप्त करल रहिट कलेसे एमालेके उम्मेदवार भट्ट ११ हजार २ सय २४ मत प्राप्त करल रहिट ।

निर्वाचित अन्य जनप्रतिके शपथ अत्तरियामे हुइना निर्वाचन अधिकृतके कार्यालय गोदावरी जनैले बा ।