भजनीके मेयरमे नागरिक उन्मुक्तिके केवल ओ उपमेयरमे राजु निर्वाचित
पहुरा समाचारदाता
भजनी, ५ जेठ । कैलालीके भजनी नगरपालिकामे नागरिक उन्मुक्ति पार्टीसे मेयर ओ उपमेयर जित्ले बा ।
मेयरमे केवल चौधरी आठ हजार ९६६ मत पाके विजयी हुइल बाटै । ओहकान प्रतिद्वन्द्वी शेरबहादुर चौधरी पाँच हजार १९८ मत पाइल रहिट । शेरबहादुर निवर्तमान मेयर फेन हुइट ।
उपप्रमुखमे राजु तिरुवा सात हजार ६२२ विजयी हुइल बाटी । उहाँ काँग्रेसके गोकेन्द्र भण्डारीहे पराजित करल हुइटी । भण्डारी चार हजार ४९० मत पाइल रहिट । भजनीमे काँग्रेस ओ माओवादी गठवन्धन हुइल रहे ।
वडा अध्यक्षमे नागरिक उन्मुक्तिसे वडा नम्बर १ मे धर्मेन्द्र श्रेष्ठ, ३ मे विक्रम चौधरी ओ ६ मे रामसागर चौधरी विजयी हुइल बाटै । माओवादी केन्द्रसे वडा नम्बर २ मे दुर्गा पुनमगर, ४ मे जन्तराम चौधरी, ८ मे पंकज चौधरी, एमालेसे वडा नम्बर ५ मे केशब बहादुर बुढा ओ ९ मे संजीव चौधरी ओ काँग्रेसबसे वडा नम्बर ७ मे अमर बहादुर कठरिया विजयी हुइल बाटै ।
नागरिक उन्मुक्ती पार्टी इहीसे आघे कैलालीके टीकापुरमे प्रमुख ओ जोशीपुरमे अध्यक्ष ओ उपाध्यक्ष जितसेकल बा ।
