गौरीगंगा नगरपालिका ८ के अध्यक्षमे करुणा चौधरी निर्वाचित

पहुरा समाचारदाता
धनगढी, ६ जेठ । कैलालीके गौरीगंगा नगरपालिका वडा नम्बर ८ के अध्यक्षमे नेकपा माओवादी केन्द्रके करुणा चौधरी निर्वाचित हुइल बाटी ।

दुई हजार सात सय ८८ मत गिरल वडा नं ८ मे चौधरी नौ सय १३ मत लानके वडाध्यक्षमे निर्वाचित हुइल बाटी । ओहकान प्रतिस्पर्धी नेपाली काँग्रेसके भगवादिन चौधरी छ सय ५३ मत पाइल रहिट ।

वडाध्यक्षमे एमालेके उम्मेदवार पाँच सय १३ मत पैलै कलेसे एकिकृत समाजवादीके उम्मेदवार एक सय ३ मत प्राप्त करल रहिट । चौधरीहे २०७४ के स्थानीय तहके निर्वाचनमे माओवादी केन्द्रसे उपप्रमुख पदके उम्मेदवार बनाइल रहे ।