‘सबके सल्लाह सुझावसहित जोशीपुरके विकासमे लागम’
पहुरा समाचारदाता
धनगढी, ६ जेठ । नवनिर्वाचित जोशीपुर गाउँपालिकाके अध्यक्ष चित्रबहादुर चौधरी पार्टीगत तथा व्यक्तिगत भेदभाव नैराखके सक्कु जनहनके सल्लाह सुझाव सहित गाउँपालिकाहे आघे बह्रैना बटैले बाटै ।
शुकके रोज नवनिर्वाचित जनप्रतिनिधिहे निर्वाचन अधिकृतके कार्यालय जोशीपुरसे आयोजित प्रमाणपत्र वितरण कार्यक्रममे अध्यक्ष चौधरी जोशीपुर गाउँपालिकाके समग्र विकासके लाग सक्कु जनहनके साथ सहयोग सहित आघे बह्रना बटाइल हुइट ।
निवर्तमान अध्यक्ष रामकृष्ण चौधरी नव निर्वाचित जनप्रतिनिधिहुक्रनहे कार्यकालके शुभकामना सहितके बधाई ज्ञापन करल रहिट ।
निर्वाचन अधिकृत शिवराज भट्ट जोशीपुरमा शान्तिपूर्वक निर्वाचत सम्पन्न कैनामे सहयोग करुइया सक्कु जनसमुदाय, सुरक्षाकर्मी, समाजसेवी, बुद्धिजीवी, शिक्षा प्रेमी, व्यापारी, कृषकहे धन्यवाद ज्ञापन करल रहिट ।
कार्यक्रममे निवर्तमान उपाध्यक्ष गिता कठरिया, जोशीपुर गाउँपालिकाके प्रमुख प्रशासकीय अधिकृत धर्मराज खत्री (पौडेल), ईलाका प्रहरी कार्यालय जोशीपुरके प्रमुख प्रनानी नरेश कुमार ढकाल लगायतके उपस्तिथि रहल रहे ।
