गौरीगङ्गाके प्रमुखमे माओवादीके कँडेल ओ उपप्रमुखमे काँग्रेसके बम विजयी

पहुरा समाचारदाता
धनगढी, ६ जेठ । कैलालीके गौरीगङ्गा नगरपालिकाके प्रमुख ओ उपप्रमुखमे गठबन्धनके उम्मेदवार विजयी हुइल बाटै । प्रमुखमे माओवादी केन्द्रके देवीदत्त कँडेल ओ उप प्रमुखमे नेपाली काँग्रेसके भोज बहादुर बम विजयी हुइल हुइट ।

शुकके सम्पन्न मतगणना अनुसार १३ हजार ७ सय ९५ मत प्राप्त कैटी कँडेल प्रमुखमे विजयी हुइल बाटै । निकटतम प्रतिद्वन्द्वी एमालेके पदम सिंगाल ६ हजार ६ सय ३२ मत प्राप्त करल रहिट । ७ हजार १ सय ६३ मतान्तरसे कँडेल विजयी हुइल बाटै ।

उपप्रमुखमे नेपाली काँग्रेसके भोज बहादुर बम ११ हजार २ सय ८१ मत प्राप्त कैटी विजयी हुइल बाटै । उपप्रमुखमे एमालेके शान्ति देवी सिंह ६ हजार ७ सय ४३ मत प्राप्त करले बाटी । ४ हजार ५ सय ३८ मतके मतान्तरसे बम विजयी हुइल बाटै ।

२६ हजार ९ सय ८५ मत गिरल गौरीगङ्गामे २६ हजार ३०३ मत सदर हुइबर ६ सय ८२ मत बदर हुइल रहे ।