डोटीमे बस दुर्घटना, १८ महिने बालक बेपत्ता

डोटी, ७ जेठ । डोटीको शिखर नगरपालिका–१ गेरुपानीमे बस दुर्घटना हुइबर एकजाने बालक बेपत्ता हुइल बाटै । १३ जाने घाहिल हुइल बाटै ।

कैलालीसे अछामके लाग छुटल ना ५ ख ९६६३ नम्बरके बस शनिच्चरके सकारे ५ बजेओर दुर्घटना हुइल हो । जिल्ला प्रहरी कार्यालय डोटीके प्रवक्ता प्रहरी नायव उपरीक्षक भोलाकुमार भट्टके अनुसार दुर्घटनामे अछाम चौरपाटी गाउँपालिका–६ के सुरेन्द्र शाहीके १८ महिने छावा सुजन शाही बेपत्ता हुइल बाटै ।

बस सेती लडियाके किनारमे पुगल कारण बालक लडियामे बेपत्ता हुइल हुइ सेक्ना प्रहरीके अनुमान रहल बा । ‘दुर्घटना आसपासके क्षेत्रमे सक्कु ओर खोज्लेसे फेन नैभेटागैल,’ प्रवक्ता भट्ट कहलै‘दुर्घटना हुइल बस सेती लडिया किनारमे पुगल ओरसे लडियामे बेपत्ता हुइल अनुमान रहल बा ।’

दुर्घटनामे परके बस सहचालकसहित ३ जाने गम्भिर घाहिल हुइल बाटै । गम्भिर घाइतेहुक्रनहे धनगढी रिफर करल भट्ट जानकारी डेलै । ८ जाने सामान्य घाहिल हुइल बाटै । सामान्य घाहिल हुक्रनके शैलेश्वरी अस्पतालमे उपचार हुइटी रहल प्रहरी नायव उपरीक्षक भट्ट जानकारी डेलै ।

बस चालक फरार रहल बाटै । ओहकान खोजी हुइटी रहल ओ दुर्घटनाबारे थप अनुसन्धान हुइटी रहल प्रहरी जानकारी डेले बा