नागरिक उन्मुक्ति पार्टी ४ पालिकाके प्रमुखसहित ९९ सिटमे विजयी

प्रेमलाल चौधरी
धनगढी, ८ जेठ । नागरिक उन्मुक्ति पार्टी कैलालीके ४ पालिकामे प्रमुखसहित ९९ सिट विजयी होके सबसे बलगर पार्टी बनल बा । वैशाख ३० गते सम्पन्न स्थानीय तहके निर्वाचनमे रेशम चौधरीके गोसिनियाँ रञ्जिता श्रेष्ठ नेतृत्वके नागरिक उन्मुक्ति पार्टी कैलालीमे हिरगर डेख परल हो ।

कैलालीमे नागरिक उन्मुक्ति पार्टी २ नगरपालिका ओ २ गाउँपालिका कैके ४ स्थानीय तहके प्रमुखमे विजयी हुइल बा । गैल पुस १९ गते निर्वाचन आयोजमे दर्ता हुइल नागरिक उन्मुक्ति पार्टी कैलालीके टीकापुर नगरपालिका, भजनी नगरपालिका, जोशीपुर गाउँपालिका ओ जानकी गाउँपालिकाके प्रमुखमे विजयी हुइल बा ।

उ पार्टी सबसे ढेर जानकी गाउँपालिकामे ३२ सिट, जोशीपुर गाउँपालिकामे २३, भजनी नगरपालिकामे २३ ओ टीकापुर नगरपालिकामे २१ सिट कैके ९९ सिटमे विजयी हुइल हो ।

नागरिक उन्मुक्ति पार्टी टीकापुरमे नगरप्रमुख ओ २ वडाध्यक्षसहित २१ सिट, भजनी नगरपालिकामे नगरप्रमुख–उपप्रमुख ओ ३ वडाध्यक्षसहित २३ सिट, जोशी गाउँपालिकामे अध्यक्ष–उपाध्यक्ष ओ ४ वडाध्यक्षसहित २३ सिट ओ जानकी गाउँपालिकामे अध्यक्ष–उपाध्यक्ष ओ ५ वडाध्यक्षसहित ३२ सिटमे विजयी हुइल बा ।

टीकापुर नगरपालिकामे नागरिक उन्मुक्ति पार्टीके रामलाल डंगौरा थारु ९ हजार ६४२ मत नानके विजयी हुइल बटैं । उहाँ नेपाली काँग्रेसके नवराज रावलहे पराजित कैले बटैं । नेपाली काँग्रेसके रावल ६ हजार ६४२ मत नन्ले रहिंट । उपप्रमुखमे भर नागरिक उन्मुक्ति पार्टी पराजित हुइल बा । टीकापुरके उपमेयरमे नेपाल कम्युनिष्ट पार्टी (माओवादी केन्द्र) के खडकबहादुर शाह विजयी हुइल बटैं ।

टीकापुरमे उ पार्टी वडा नम्बर ४ ओ ५ मे वडाध्यक्षमे विजयी हुइल बा । पालिकाके वडा नम्बर ४ मे नागरिक उन्मुक्ति पार्टीके लालवीर चौधरी १ हजार २३० मत नानके विजयी हुइल बटैं कलेसे वडा नम्बर ५ मे बलवीर थारु ८२० नानके विजयी हुइल बटैं । ओस्टेक, वडा नम्बर १ के सदस्यमे गणेशबहादुर घर्तीमगर ओ नरेश विक, महिला सदस्यमे प्रिमकला चौधरी ओ दलित महिला सदस्यमे चरणदेवी विक विजयी हुइल बटैं । वडा नम्बर २ के सदस्यमे देवेन्द्र चौधरी ओ दतिल महिला सदस्यमे सरस्वती तिरुवा विजयी हुइल बटैं । वडा नम्बर ४ के सदस्यमे दीपेन्द्र चौधरी ओ प्रेमलाल चौधरी, महिला सदस्यमे रूपमती डंगौरा थारु ओ दलित महिला सदस्यमे तुल्सीदेवी विक विजयी हुइल बटैं ।

अस्टेके, वडा नम्बर ५ के सदस्यमे बलराम चौधरी ओ कन्हैंया चौधरी, महिला सदस्यमे बासमोती कुमारी चौधरी ओ दलित महिला सदस्यमे सरिता भुल विजयी हुइल बटैं । वडा नम्बर ६ के सदस्यमे राजकुमार चौधरी ओ अभिमन्यु डंगौरा थारु, महिला सदस्यमे कैलाशपति चौधरी ओ दलित महिला सदस्यमे आइतीदेवी सुनार विजयी हुइल बटैं ।

भजनी नगरपालिकामे नागरिक उन्मुक्ति पार्टी प्रमुख–उपप्रमुख ओ ३ वडाध्यक्षसहित २३ सिट विजयी हुइल बा । भजनीके प्रमुखमे केवल चौधरी ओ उपप्रमुखमे राजु तिरुवा विजयी हुइल बटैं । उ पार्टीके केवल चौधरी माओवादी केन्द्रके शेरबहादुर चौधरीहे ३ हजार ७६८ मतान्तरसे पराजित कैके विजयी हुइल बटैं । केवल ८ हजार ९६६ मत पैलैं कलेसे शेरबहादुर ५ हजार १९८ मत किल पैले बटैं । उपप्रमुखमे तिरुवा ७ हजार ६२२ मत नानके विजयी हुइल बटैं ।

नागरिक उन्मुक्ति पार्टी भजनी नगरपालिकाके वडा नम्बर १, ३ ओ ६ के वडाध्यक्षमे जिटल बा । वडा नम्बर १ मे धर्मेन्द्र श्रेष्ठ ६५७ मत, वडा नम्बर ३ मे विक्रम चौधरी १ हजार १०५ ओ वडा नम्बर ६ मे रामसागर चौधरी १ हजार ९ मत नानके विजयी हुइल बटैं ।

ओस्टेक नन्हें वडा नम्बर १ के सदस्यमे सीताराम चौधरी ओ फूलराम चौधरी, महिला सदस्यमे मनदेवी चौधरी ओ दलित महिला सदस्यमे बिमादेवी कामी विजयी हुइल बटैं । वडा नम्बर ३ के सदस्यमे राजेशकुमार चौधरी ओ शत्रुघन चौधरी, महिला सदस्यमे हैरानीदेवी डंगौरा ओ दलित महिला सदस्यमे जैसरा कामी ओड विजयी हुइल बटैं । वडा नम्बर ६ के सदस्यमे टिकाराम डंगौरा ओ श्यामलाल डंगौरा थारु ओ महिला सदस्यमे शान्तिकुमारी चौधरी विजयी हुइल बटैं । वडा नम्बर ७ के सदस्यमे रामकुमार डंगौरा, रुपनप्रसाद लोनिया ओ महिला सदस्यमे राजमती चौधरी विजयी हुइल बटैं । वडा नम्बर ८ के सदस्यमे लल्टु डंगौरा थारु ओ गंगाराम चौधरी, महिला सदस्यमे कृष्णकुमारी चौधरी ओ दलित महिला सदस्यमे मीनादेवी ओजी विजयी हुइल बटैं ।

ओस्टेक, जोशीपुर गाउँपालिकामे उ पार्टी अध्यक्ष–उपाध्यक्ष ओ ४ वडाध्यक्षसहित २३ सिट विजयी हुइल बा । जोशीपुरमे नागरिक उन्मुक्ति पार्टीके चित्रबहादुर चौधरी नेपाली काँग्रेसके बसन्तराम बडायकहे पराजित कैके अध्यक्षमे विजयी हुइल बटैं । चौधरी ४ हजार ९०३ मत पैले बटैं कलेसे बडायक ३ हजार ३६८ मत पैले बटैं । ओस्टेक, नागरिक उन्मुक्ति पार्टीके रेखादेवी कठरिया माओवादी केन्द्रके दीर्घराज विनाडीहे पराजित कैके उपाध्यक्षमे विजयी हुइल बटैं । नागरिक उन्मुक्ति पार्टीके कठरिया ४ हजार ५८१ मत नन्ले बटैं कलेसे माओवादी केन्द्रके विनाडी ३ हजार ९६१ मत किल पैले रहिंट ।

ओस्टेक, जोशीपुरमे नागरिक उन्मुक्ति पार्टी वडा नम्बर १, ३, ४ ओ ५ मे वडाध्यक्षमे विजयी हुइल बा । वडा नम्बर १ मे रामचन्द्र चौधरी ७७३ मत, वडा नम्बर ३ मे रेणुकुमारी डंगौरा ६१५ मत, वडा नम्बर ४ मे रामजनम चौधरी १ हजार ४३४ मत ओ वडा नम्बर ५ मे अनरकुमार चौधरी ८०३ मत नानके कैके विजयी हुइल बटैं ।

जोशीपुर वडा नम्बर १ के सदस्यमे घनश्याम चौधरी ओ लालबहादुर डंगौरा, महिला सदस्यमे सरस्वती डंगौरा ओ दलित महिला सदस्यमे धनि कमेनी विजयी हुइल बटैं । वडा नम्बर २ मे भर सदस्यमे सोहनलाल चौधरी किल विजयी हुइल बटैं । वडा नम्बर ३ के सदस्यमे राजेशकुमार चौधरी ओ ज्ञानप्रसाद महतो महिला सदस्यमे फूलमती डंगौरा ओ दलित महिला सदस्यमे सितल श्रेष्ठ विक विजयी हुइल बटैं । वडा नम्बर ४ के सदस्यमे सञ्जित चौधरी ओ वेफराम डंगौरा, महिला सदस्यमे सुमित्रा चौधरी ओ दलित महिला सदस्यमे दिलमाया विश्वकर्मा विजयी हुइल बटैं । वडा नम्बर ५ के सदस्यमे रामबहादुर चौधरी ओ श्यामसुन्दर चौधरी, महिला सदस्यमे सोनी डंगौरा ओ दलित महिला सदस्यमे ईसराकुमारी टमटा विजयी हुइल बटैं ।

जानकी गाउँपालिकामे फेन अध्यक्ष–उपाध्यक्ष ओ ५ वडाध्यक्षसहित सब्से ढेर ३२ सिट विजयी हुइल बा ।

जानकीमे नागरिक उन्मुक्ति पार्टीके पत्रकार गणेश चौधरी अध्यक्षमे निर्वाचित हुइल बटैं । उहाँ ७ हजार १५१ मत लानके विजयी हुइल हुइँट् । चौधरी नेपाली काँग्रेसके परशुराम महतोहे पराजित कैटी अध्यक्ष पदमे निर्वाचित हुइल हुइँट् । ओहकान निकतम प्रतिद्वन्द्वी नेपाली काँग्रेसके परशुराम महतो ५ हजार २४२ मत पैले रहिंट ।

ओस्टके, उपाध्यक्षमे फेन नागरिक उन्मुक्ति पार्टीके लालमतीदेवी कठरिया विजयी हुइल बटैं । उहाँ ६ हजार ५६२ मत लानके विजयी हुइल बटि । ओहकान निकटतम प्रतिद्वन्द्वी नेकपा (एमाले)के गीता चौधरी ४ हजार ८५८ मत नन्ले रहिंट ।

जानकीके वडा नम्बर ३, ४, ५, ६ ओ ७ मे नागरिक उन्मुक्ति पार्टी वडाध्यक्षमे विजयी हुइल बा । वडा नम्बर ३ मे सुरेशकुमार चौधरी ६६६ मत प्राप्त कैके वडाध्यक्षमे विजयी हुइल बटैं । वडा नम्बर ४ मे दीपेन्द्रकुमार कठरिया ८३५ मत, वडा नम्बर ५ मे भीमबहादुर चौधरी ५२२ मत, वडा नम्बर ६ मे ईन्द्र चौधरी ६०४ मत पाके वडाध्यक्षमे विजयी हुइल बटैं कलेसे वडा नम्बर ७ मे कमल महतो १ हजार १० मत नानके वडाध्यक्षमे विजयी हुइल बटैं ।

ओस्टेक, वडा नम्बर १ के सदस्यमे राजाराम थारु, लक्ष्मी चौधरी महिला सदस्यमे अनिता चौधरी ओ दलित महिला सदस्यमे राधा दमाई विजयी हुइल बटैं । वडा नम्बर ३ के सदस्यमे राजकुमार डंगौरा थारु, हरिलाल चौधरी, महिला सदस्यमे पुष्पा चौधरी ओ दलित महिला सदस्यमे ईन्द्रा सोप विक विजयी हुइल बटैं । वडा नम्बर ४ के सदस्यमे तुल्सीराम डंगौरा थारु, मोहनकुमार डंगौरा थारु, महिला सदस्यमे सुशीला कठरिया ओ दलित महिला सदस्यमे निर्मला दमाई विजयी हुइल बटैं ।

वडा नम्बर ५ के सदस्यमे केशन्तीदेवी चौधरी, जहन्जीरुवा डंगौरा थारु, महिला सदस्यमे पार्वतीदेवी डंगौरा थारु ओ दलित महिला सदस्यमे निर्मला भुल विजयी हुइल बटैं । वडा नम्बर ६ के सदस्यमे खगेन्द्रबहादुर विश्वकर्मा, पन्क्षीराम थारु, महिला सदस्यमे रेनुका चौधरी ओ दलित महिला सदस्यमे दुर्गादेवी भुल विजयी हुइल बटैं । ओ, वडा नम्बर ७ के वडा सदस्यमे धनिराम चौधरी, बलीराम चौधरी, महिला सदस्यमे कृष्णकुमारी चौधरी ओ दलित महिला सदस्यमे पवित्रा विश्वकर्मा विजयी हुइल बटैं । वडा नम्बर ८ मे नागरिक उन्मुक्ति पार्टीके वडा सदस्यमे मुकलाल डंगाैरा थारू विजयी हुइल बटैं ।

कैलालीमे नागरिक उन्मुक्ति पार्टी ४, नेपाली काँग्रेस ३, नेकपा (एमाले) २, माओवादी केन्द्र २ ओ नेकपा (एकीकृत समाजवादी) १ पालिकाके प्रमुखमे विजयी हुइल बा । नेपाली काँग्रेस कैलारी गाउँपालिका, गोदावरी नगरपालिका ओ लम्कीचुहा नगरपालिकाके प्रमुखमे विजयी हुइल बा । नेकपा (एमाले) चुरे ओ बर्दगोरिया गाउँपालिकाके अध्यक्षमे विजयी हुइल बा । ओस्टेक, माओवादी केन्द्र गौरीगंगा नगरपालिका ओ मोहन्याल गाउँपालिकाके प्रमुखमे विजयी हुइल बा कलेसे नेकपा (एकीकृत समाजवादी) घोडाघोडी नगरपालिकाके प्रमुखमे विजयी हुइल बा ।

सुदूरपश्चिमके एकठो किल धनगढी उपमहानगरपालिकामे भर अभिन मत परिणाम अइना बाँकी बा । धनगढीमे स्वतन्त्र उम्मेदवार गोपाल हमाल आघे बटैं ।

स्थानीय तह निर्वाचनमे कैलालीसे ६५६ सिटके लाग २ हजार ५ सय ५८ जाने उम्मेदवारी डेले रहैं ।