कञ्चनपुरके कृष्णपुरमा मेयर ओ उपमेयरमे कांग्रेस विजयी
कञ्चनपुर, ८ जेठ । कञ्चनपुरके कृष्णपुर नगरपालिकाके मेयर ओ उपमेयरमे नेपाली कांग्रेसके उम्मेदवार विजयी हुइल बटै । कृष्णपुरके मेयरमे कांग्रेसके उम्मेदवार हेमराज ओझा ओ उपमेयरमे द्रोपति राना विजयी हुइल बटी ।
मेयरमे निर्वाचित कांग्रेसके उम्मेदवार ओझा १० हजार ३ सय ३४ मत प्राप्त करले बटै । ओहकान निकटतम प्रतिद्वन्द्वी माओवादी केन्द्रके जोगराज चौधरी ८ हजार २ सय मत प्राप्त करले बटै । कृष्णपुर नगरपालिकामे एमालेके उम्मेदवार लोकेन्द्र पन्त ६ हजार ४ सय ७४ मत पैले बटै ।
कृष्णपुरके उपमेयरमे विजयी कांग्रेसके द्रोपति राना ९ हजार ६ सय ७५ मत प्राप्त करले बटी । ओहकान निकटतम प्रतिद्वन्द्वी एमालेके उम्मेदवार रमिता राना बडायक ७ हजार ३ सय १६ मत प्राप्त करल रही । उपमेयरमे माओवादी केन्द्र टिसरा बनल रहे । माओवादी केन्द्रके उपमेयर उम्मेदवार गीता मल्ल ६ हजार ८ सय ५१ मत प्राप्त करले बटी ।
