नपगरप्रमुख हमालके पहिलो निर्णयः धनगढीके विकासके लाग पञ्चवर्षीय योजना

पहुरा समाचारदाता
धनगढी, ९ जेठ । धनगढी उपमहानगरपालिका नवनिर्वाचित नगर प्रमुख गोपाल हमाल धनगढीके योजनावद्ध विकास करक लाग पञ्चवर्षीय योजना बनाके आघे बह्रना पहिल निर्णय करले बाटै ।

पदभार ग्रहण करलसँगे उहाँ प्रमुख प्रशासकीय अधिकृत रामलाल श्रेष्ठसे पेश करल फाइलमे हस्ताक्षर करटी उ निर्णय सदर करल हुइट । सीमित साधन स्रोतहे प्रभावकारी ढंगसे परिचालन कैके लक्ष्य हासिल कैना उद्देश्यके साथ योजनावद्ध विकासके थालनी कैना आगामी आव २०७६–०८ से २०८३–०८४ समके पहिल पञ्चवर्षीय आवधिक योजना (विकास प्रशासनके प्रमुख आधारके रुपमे रहना) बनाके कार्यान्वयनमे लैजैना उ निर्णयमे कहल बा ।

निर्णय पुस्तिकामे कहल बा, ‘स्थानीय सञ्चालन ऐन २०७४ मे हुइल व्यवस्थहे दृष्टिगत कैना आवश्यक प्रक्रियागत कानून चालु आर्थिक बरसमे आघे बह्रैना ओ यकर लाग बजेट विनियोजन होसेकल ओरसे उ कार्य कैना मनासिव डेखल ओरसे आवश्यक निर्णयार्थ पेस करल बाु ।’