फेन बह्रल इन्धनके मोलः पेट्रोल प्रतिलिटर १८०, ग्यास प्रतिसिलिण्डर १ हजार ८००

काठमाडौं, ८ जेठ । नेपाल आयल निगम अँट्वार रात १२ बजेसे लागू हुइना मेरिक पेट्रोलियम पदार्थके मूल्यवृद्धि करले बा ।

निगम पेट्रोल, डिजेल, मट्टितेल ओ हवाई इन्धन (आन्तरिक) मे प्रतिलिटर १० ओ खाना पकैना एलपी ग्यासमे प्रतिसिलिण्डर २०० वृद्धि करले बा ।

पेट्रोलके मूल्य प्रतिलिटर १८०, डिजेल ओ मट्टितेलके मूल्य प्रतिलिटर १६३, हवाई इन्धनके मूल्य प्रतिलिटर १६६ तथा एलपी ग्यासके मूल्य प्रतिसिलिण्डर १ हजार ८०० पुगल बा ।

निगम यीआघे गैल वैशाख ३१ गते पेट्रोल, डिजेल ओ मट्टितेलमे प्रतिलिटर १० वृद्धि करले रहे ।