घोडाघोडीके नगरप्रमुख रावतसे पदभार ग्रहण
पहुरा समाचारदाता
धनगढी, ९ जेठ । घोडाघोडी नगरपालिकाके नवनिर्वाचित नगरप्रमुख खडकबहादुर रावत आज पदभार ग्रहण करले बटैं । उहाँ आजु जिल्ला अदालत कैलालीमे पद तथा गोपनियताके सफत खैले रहैं ।
दलिय गठबन्धनके ओरसे नेकपा (एकीकृत समाजवादी) से घोडाघोडी नगरपालिके नगरप्रमुखमे खडक रावत निर्वचित हुइल बटैं ।
उहाँ सुकुम्वासी, अव्यवस्थित बसोबास ओ भूमिहिनहुकनके लाग चालु आर्थिक वर्षमे जग्गाके लगत संकलन ओ नाप जाँच सुरु कैके निर्धारित समयमे लालपुर्जा वितरण करना निर्णय करटि पदभार ग्रहण करलैं ।
नगरप्रमुख रावत निवर्तमान नगरप्रमुख ममताप्रसाद चौधरीहे पराजित कैके निर्वाचित हुइल हुइट् । पदभार ग्रहण करटि एकडम घोडाघोडी नगरवासीहुकनके हकहितमे काम करना बटैलैं ।
नगरपालिका नगरप्रमुख रावत प्रतिद्वन्द्वीहे ४ हजार ८८७ मतान्तरले पराजित कैके विजयी हुइल रहैं । उहाँ १३ हजार १२८ ओ उहाँक निकटतम प्रतिद्वन्द्वी एमालेके चौधरी ८ हजार २४१ मत पैले रहैं ।
ओस्टेक, उपप्रमुखके नेपाली काँग्रेसके गुलिया चौधरी हुइल बटि । उहाँ अपन निकटतम प्रतिद्वन्द्वी एमालेके करुणा बम बटालाहे ५ हजार ३०७ मतान्तरसे विजयी हुइल बटि । उहाँ १२ हजार २७० मत ओ एमालेके बम ६ हजार ९६३ मत पैले रहि ।
