सूर्तीजन्य पदार्थ विक्री वितरणमे रोक

पहुरा समाचारदाता
धनगढी, ११ जेठ । धनगढी उपमहानगरपालिका वडा नम्बर ५ मे सूर्तीजन्य पदार्थके जथाभावी बिक्री वितरणमे रोक लगाइल बा । वडाके नवनिर्वाचित जनप्रतिनिधिहुक्रे ‘हमार वडा हम्रे बनाब’ कना अभियानके साथ धुम्रपान मध्यपान, सूर्तीजन्य पदार्थ तथा गुट्खा, खैनी लगायतके वस्तु जथाभावी बिक्री वितरणमे रोक लगाइल हुइट ।

वडा नम्बर ५ के क्षेत्रभिट्टर होटल तथा किराना पसलके सञ्चालकहे व्यापार व्यवसाय करेबर १६ बरस टरेक बालबालिका ओ विद्यालय पोशाकमे रहलहे सूर्तीजन्य पदार्थ विक्री वितरणमे समेत रोक लागाइल बा ।

बालबालिकाहे इ मेरके पदार्थ सेवन नैकैना नैकरैना समेत वडा कार्यालयसे सूचना मार्फत व्यवसायीहे जानकारी करैले बा । धुम्रपान, मद्यपान सहित लागूपदार्थ दुव्र्यसन नियन्त्रण तथा रोकथामके लाग अभिभावकहे वडा कार्यालयमे आके गुनासो करलपाछे सूचना प्रकाशन करल वडा कार्यालय जनैले बा ।

वडा कार्यालयसे किराना तथा होटेल व्यवसाय कैटी रहल व्यापारीहे विक्री वितरण रोक्न निर्देशन डेहल वडा नम्बर ५ के वडाध्यक्ष गजेन्द्र शाही बटैलै । निर्देशनके अवज्ञा कैक्े कोइ बिक्री वितरण करलमे कानुन बमोजिम कारवाही कैना उहाँ बटैलै ।