विपद् व्यवस्थापनके लाग सामग्री हस्तान्तरण
पहुरा समाचारदाता
धनगढी, ११ जेठ । कैलालीके दुई पालिकाहे विपद् सामग्री हस्तान्तरण करल बा । घोडाघोडी ओ गौरीगंगा नगरपालिकाहे विपद् सामग्री हस्तान्तरण करल हो ।
दिगो विकास समाज भजनी कैलालीके आयोजना ओ वर्ल्ड भिजन इन्टरनेशनल नेपाल कैलालीके साझेदारीमे सञ्चालित पोषण तथा उत्थानशील जीविकोपार्जन परियोजनासे सामग्री वितरण करल हो ।
पालिकाहे दराज, प्रिन्टर, रिभल्भिंग कुर्ची, कार्पेट ओ प्लास्टिक कुर्सी गरी करिब एक पालिकाहे ८४ हजार ८ सय ३४ रुपैयाँ बराबरके सामग्री वितरण करल परियोजना अधिकृत प्रभु ढकाल जानकारी डेलै । घोडाघोडी नगरपालिका प्रमुख प्रशासकीय अधिकृत दीपककुमार आर्चाय, गौरीगंगा नगरपालिका नगरप्रमुख देवी दत्त कँडेलहेदिगो विकास समाज भजनीका कार्यक्रम अधिकृत प्रभुनाथ ढकाल सामग्री हस्तान्तरण करल रहिट ।
सही समयमे विपद् सम्बन्धीके सूचना समुदायमे प्रवाह कैके विपद् जोखिम न्युनिकरण कैना उद्देश्यसे कार्यालय व्यवस्थापनके लाग सामग्री सहयोग करल जनाइल बा ।
कार्यक्रममे गौरीगंगा नगरपालिकाके प्रमुख प्रशासकीय अधिकृत हरिदत्त भट्ट, डीआरआर फोकल पर्सन नवीन विष्ट घोडाघोडी नगरपालिकाके डीआरआर फोकल पर्सन जयन्तकुमार विष्ट, दिगो विकास समाज भजनीके फिल्ड परिचालक ललिता महतो ओ सुरज चौधरीके समेत सहभागिता रहल रहे ।
