धनगढीमे सवा करोड लगानीके रेमण्ड शप सञ्चाल अइटी
मुख्यमन्त्री भट्टसे उद्घाटन कैना
पहुरा समाचारदाता
धनगढी, ११ जेठ । धनगढीमे रेमण्ड शप सञ्चालनमे अइना बा । शपके उद्घाटन बिफे रोज सुदूरपश्चिम प्रदेशके मुख्यमन्त्री त्रिलोचन भट्ट उद्घाटन करही ।
सवा करोड रुप्या लगानीमे रेमण्ड शप सञ्चालन हुई लागल हो । कञ्चनपुरके महेन्द्रनगरसे २०५१ साले दुई ठो सिलाई मेसिनसे सुरु हुइल व्यवसायी अब्बे रेमण्डसम पुगल सञ्चालक प्रकाश दर्जी बटैलै ।
२०६४ मे धनगढीमे मोडर्न तयारी पोशाक नाम डेके सञ्चाल करल हो । ओस्टेक ग्राहकके चाहनाहे मध्यनजर करके २०६९ से सुटगढीसमेत सञ्चालन करटी आइल सञ्चालक दर्जी बटैलै । धनगढीके एलएनचोकमे सुटगढी रहल भवनमे रेमण्ड शप सञ्चालन हुई लागल हो । सञ्चालक दर्जीके अनुसार रेमण्ड सपमे आइएसओ सर्टिफाइड रेमण्ड ब्राण्डके कपडा केल धारजाई ।
रेमण्ड विश्वमे लोकप्रिय भारतके कम्पनी हो । उ उद्योगसे उत्पादन कैना कपडा प्रतिमिटर चार सय रुप्या भारुसे लेके तीन लाख भारुसम पर्ना करल जनाइल बा । धनगढीमे प्रतिमिटर एक हजार छ/सात सयसे १०/११ हजार रुप्या रेमण्डके कपडा धारल दर्जी बटैले । रेमण्डके फेबरिक धनगढीके लाग एकदम नयाँ रहल उहाँ जनैलै । धनगढीमे रेमण्ड शप नेपालके टिसरा वा चौठा रहल बटैलै ।
‘काठमाडौं, नारायणघाटमे रेमण्ड शप बा मने, धनगढीके लाग बिल्कुल एकदम नयाँ हो,’ दर्जी कहलै । धनगढीके रेमण्ड शपमे २५/२६ जाने रोजगारी पैना जनाइल बा ।
पुर्खौली पेशाहे ग्रह्याता डेना ग्राहकके माग अनुसार मोर्डना तयारी पोशक हुइटी अब्बे रेमण्ड शप संचालन करे उहाँ बटैलै ।
