चौधरी दम्पत्तीसे आगलागी पीडितहे २८ क्वीन्टल धान सहयोग

पहुरा समाचारदाता
धनगढी, ११ जेठ । कैलालीके कैलारी गाउँपालिका–७ रतनपुरके एक चौधरी दम्पत्ती उहे वडाके विपतपुर मुक्त कमैया शिविरके आगलागी पीडितहे २८ क्वीन्टल २१ किलो धान सहयोग करले बटै ।

आगलागी पीडित खाद्यान्न समस्या भोगे नपरे ओ ओइनहे राहत होए कहिके भरतकुमार ओ भरथनियाँ चौधरी धान सहयोग करल हुइट । साथे, ओइने ५० किलो नोनसमेत सहयोग करल कुसुम चौधरी जानकारी डेलै । चौधरी दम्पत्ती धान ओ नोन विपतपुर राहत समितिके सचिव हरिप्रसाद चौधरीहे बुझैले बटै ।

गैल वैशाख ११ गते आगलागी हुके पूर्ण ओ आंशिक करके ७१ घरेम क्षति हुइल रहे ।