रेमण्ड शप संचालनमे आइल

पहुरा समाचारदाता
धनगढी, १३ जेठ । धनगढीमे सवा करोड लगानीमे द रेमण्ड शप सञ्चालनमे आइल बा । मोडर्न तयारी पोशाक ओ सुटगढी सञ्चालन करटी आइल प्रकाश दर्जी पहिरन सम्बन्धी अपने व्यवसायमे द रेमण्ड शप थपल हुइट ।

सुटगढी रहल भवनमे रेमण्ड शप सञ्चालनमे आइल हो । बिफेक रोज एक कार्यक्रमके बीच सुदूरपश्चिम प्रदेशके मुख्यमन्त्री त्रिलोचन भट्ट सपके उदघाटन करलै । रेमण्ड सपमे आइएसओ सर्टिफाइड रेमण्ड ब्राण्डके कपडाकेल धारल द रेमण्ड शपके सञ्चालक प्रकाश दर्जी बटैलै । रेमण्ड विश्वके लोकप्रिय भारतके कम्पनी हो ।

उ उद्योगसे उत्पादन कैना कपडा प्रतिमिटर चार सय रुप्या भारुसे लेके तीन लाख भारुसम पर्ना करल जनाइल बा । धनगढीमे प्रतिमिटर एक हजार छ÷सात सयसे १०/११ हजार रुप्या रेमण्डके कपडा धारल दर्जी बटैलै ।

रेमण्डके फेबरिक धनगढीके लाग एकदम नयाँ रहल उहाँ जनैलै । धनगढीमे रेमण्ड शप नेपालके टिसरा वा चौठा रहल बटैलै । धनगढीके रेमण्ड शपमे २५/२६ जाने रोजगारी पैना जनाइल बा ।

मोडर्न तयारी पोशाक २०५१ सालमे कञ्चनपुरके महेन्द्रनगरसे सुरु हुइल रहे । दुई मेशिनसे सुरु हुइल उ पसल फष्टैटी २०६४ से धनगढीमे अपन सेवा सुरु करल रहे । ग्राहकके चाहनाहे मध्यनजर करके २०६९ से सुटगढीसमेत सञ्चालन करटी आइल बा ।